عين الجمل
على طاري لبس البنات والبنات المسترجلات
يعني الجنس الثالث من الطرفين
( جنس ثالت انثى مسترجلة ورجل ايش اقول .... ؟ ) المهم انكم عرفتوها والله الواحد يستحي يقولها
الله المستعااان
في عندنا ملاهي مخصص له يوم نسائي
اختكم في الله تضطر تروح هناك عشان بنتها .. انا لو علي جلسة على البحر وشاي وقهوة وفصفص
هم طالعين بفصفص الغروي مدري ايش الفرق اوووف
المهم من يوم ادخل البوابة تستقبلني مسئولة الأمن وتفتيش على بالها رجاال ســــنه
هذا من حقهم بالعكس اؤيد على هذا الشئ
لكن لما تشوف البنات شوف العجب العجاب .. تلاقي بنات طبعا كل وحدة وتختار شريكة حياتها
اقصد صاحبتها تكون وحدة ماشية ومعاها خويتها ما تقول بنت تقول ولد من لبس بنطلون طيحني
وبلوزة اولاد واساور وسلاسل والشعر كدش ههههههههه شئ يضحك
طيب انا لما اشوف زي كذا ايش اللي يضمني ان هذي بنت ماهي ولداوووف
خليني ساكتة يا عين الجمل
وتشوف البنات لبسهن تقول في قاعة فرح ايش من مكياج وموديلات تقشعر منه البدن
ولا الدخان والمعسلات
طبعا محسوبتكم ما تقعد في مكان وخلاص .. تلاقيني اطوف في الملاهي اتفرج على اشياء توجع القلب
تلاقي بنات صغيرات في السن قاعدات على اسوار الملاهي يدخن
ولا اللي في الجلسات الخاصة يعسلن
ولا ولا ولا ...
آآآه يا دنيا العجايب
بس ابغى اعرف شئ واااااااااااااااااحد
كيف تخرج البنت من عند امها بهذا اللبس وما تعرف مع مين رايحة ولا مع مين راح تجلس
شئ يووووووجع القلب
اللهم استر على بناتنا وبنات المسلمين
واحفظهن من كل سوء وجنبهن اولاد وبنات الحرام
برحمتك يا ارحم الراحمين