امسح دموعك مابها شي يبكيك
هذا خطانا والنتيجه دموعك
ياصاحبي لوكنت ماني ابغليك
ماهزني شوق تمنى رجوعك
ريح فؤادك مابه احد يساويك
لا تخاف قلبي ساكنٍ في ربوعك
لا تقول طبعي شين واني ابجافيك
والله احبك مووت بأشين طبوعك
من قال انا زعلان من قال ماابيك
راح الزعل من يوم جيت بخضوعك
بغفر لك الزله وأسامح وأداريك
خايف عليك من الزعل لا يروعك
واصنع لك اعذار تجيبك وانا اجيك
وألمح أثرها رعشة في ظلوعك
أفديك عمري وأرجع احياة وأفديك
وأموت مرة والف مره لطوعك
بالحيل أحبك وأعشقك وادعيك
ودي أشوف الحب يضوي شموعك
وفر دموعك مابها شي يبكيك
بكتب لك الأبيات وأمسح دموعك
|