الله يسعد مساكم جميعا" ، وأعتذر عن حضوري المتقطّع
نظرا" للظروف ، وأكرر إعتذاري للأستاذ والأخ الغالي
علي السبيه ، والأستاذ الأخ الغالي / شاعر معتزل لتأخير
الردود من جهتي ولكن يعلم الله إن السبب خارج عن الإراده
والعذر ماعبّي الا للأجواد ، أقبلوا منّي هذه الخاطره وأتمنى
أن تنال إستحسان الجميع ....................................
/

**( البدع )** /// **( المبدع )**
***
الزيادي غاب في يوم العزاء لكن جاء بالعيد=
وأبن آدم مرّات مايقوى على ظرفه ولايتقدّر=
وإنت ياراعي السؤال أنشد .. ويالجايوب فايده=
والله ماطاحت قتاتيب المدنّا عن ظهيره قرّه=
وإنّ لاجُهْده على قِلّه .. ولا حظّه معثّيران=
أدهك الأشواك تحت النّاب مادام الحياء تلفاني=
وأمض درب الغانمين .. وجِدّ ياسمحان جِدّ يمين=
وأنتم ياربعي بهذا المنتدى في نجد والا جدّه=
قدركم غالي عليّه .. ماأقدر أهدّه ولا أدمُره=
لو فوادي يخترع صاروخ .. والا يصْلح الذريّه=
ماأهتنا من هجركم نومٌ .. ولا من بُعْدكم سنه=
***
**( الرد )** /// **( المبدع )**
///
أنا سمّيت الولد ( شادي ) على الموضه .. وجاب العيد=
لايهشّ .. ولاينشّ .. ولا له الطاري .. ولا يتقدّر=
والله ياصُفّة حليب النّان ماجايوا بفايده=
الذي يُرْقد عِشان .. ولايقوم الا ظهيره قرّه=
أغسل إيدك منه لايَكْلا ولا يصرح مع الثيران=
كلما جيت أبغي اعلّمه عن جَدّه حياة الفاني=
قال : روّقنا دخيلك .. قلت : جدّك ! .. قال : جدّي مين؟=
حيّ لي ذا الغِلْمه الغندور مايعرف وشنهو جَدّه؟=
أقطع إيدي ( ياولد هذا الزمان إنّه ولد مَره )=
مانقول الا عسى ربي يعين ويصلح الذريّه=
والله ياشادي ليتبيّع بلادي بعد كم سنه !=
***