الاخت لؤلؤة

تحيه طيبه

اولا احب اخاطبك بصيغة المؤنث مع اني مب متاكده من ذلك لكن من باب حسن الظن

اختي العزيزه مع احترامي لك

من حط نفسه في بيت السباع يصبر على اللي يجيه

ياعزيزتي انتي شاعره ولك هوايه في الشعر تعالي للقسم ونزلي قصايدك وكفى الله الموؤمنين شر القتال
وش لك والمحاوره مع الشعار والدخول في امور لاتليق بالانثى
ياعزيزتي انتي شاعره واكيد تشوفين رد بعض الشعار على بعض وفيه الكثير من الخشونه والردود الي اكيد ماتليق تقال الا بينهم كــ رجال

ياعزيزتي انا من خلال تواجدي في اقسام الشعر

صار عندي قناعه ان شعر المحاوره خاص بالرجال ولايليق بالشاعره ان تضع نفسها في مثل هالمواضع
وتجيب لنفسها وجع الراس

انا اقول كلامي من منطلق قناعه ان شعر المحاوره خاص بالرجال فقط

لذلك كل شاعره تدخل هالمجال يقال عليها انها رجل ومستحيل تكون شاعره

عزيزتي
اتمنى ماتزعلي من كلامي هذا واعتبريه نصيحه من اخت لاختها اذا كنتي فعلا انثى

لااني صراحه ماصرت اثق في المعرفات الجديده
ولااعترف الا في المعرفات القديمه اللي كاانت قبل موضة معرفات النساء التي يختفي خلفها اشباه الرجال


هذا ولك ولكل الشعراء بحق كل تحيه واحترام