الشعر صوت أرواحنا المقهوره=طعم إبتسامتنا ودمع بكانا
صوته مثل تغريدة العصفوره=اللي مع نور الصباح أشجانا
يأهل القلوب السود والمقهوره=الله يعافيكم ولا يبلانا
أكتب وغيري يمسح السبوره=ولا عرفت أصحابنا وأعدانا
قلو لوجه الشعر يا جمهوره=الله يساعدنا على بلوانا
مانيب ناقص عالمٍ مسعوره=حنا كبار ولا نجيب أقصانا
الشعر والاحساس ماهو صوره=يمكن نزخرف وجهها بالوانا
المنطق ان الكل ياخذ دوره=عشان أشوف الطالب الكسلانا
يا ناس دام أحوالنا مستوره=لا نقترب من ثورة البركانا
القلب من طيبه وصدق شعوره=وده تكون أرواحنا بستانا
بعض الخواطر لا غدت مكسوره=تطيب لو رب العباد انجانا