أكاديمـيـة العرضـة الجنوبيــة - ربـاع - عرض مشاركة واحدة

22/03/2010, 01:15 PM

الاخ الشاعر الهجير
السلام عليكم ورحمة الله وبركاته
نادرا ما دخل الى باحة الشعر والشعار ليس الى من انشغالي بالمنتدى ومااريد ان اخوض في الشعر وانا بحق
ارد ان استمتع بالقصيده او الشعر عموما وخاصة الشعر المنظم الهادف وانت رجل مواقف وشعرك له
مكانة بيننا ونحن نقدر لك ذالك وقد ناديت بكل ما تعني به الكلمة في كلمات واقعة لامحالة بان الشعر هواء
مادعاك ان تقول هذه الابيات وانك قلت
(ماجيت ادورلي رشيقة عودونحيلةخصر)
(ولا جيت في رجوى ابتسامه مايخبيها اللثام)
هذه الابيات الجميله الواعية التي انتثرت بكلماتها في ارجا المنتدى وقد عبرت عن الكثير والكثيرمن
مايشغل حيز في الوجود لن اطيل كثيرا والمجال واسع ولاكني اقدم لك الشكر والتقدير ونحن قد نكون من
الذين يستمعون الى الشعر وخاصة المعبر منه وانت تجيد التعبير شكرا والى المزيد بارك الله فيك
اخوك
مشهور

يا سيـدي هـذي تعـدا كونهـا وجهـة نظـر
هذي أسس فـن التعامـل قبـل فـن الاحتـرام
من عندي ارفـع هامتـك ماهـوب لازم تعتـذر
الا تـعـداك الـمـلام الا تـعـداك الـمــلام
ماهوب ذنبك ترفع العالـم وهـي تنـزل حـدر
ولا هوب ذنبك لا خطمت الخيل وانفـك الخطـام
الناس لا شافـو ظـلام الليـل ينسـون البـدر
وش لك من اللي يرخصون النور لعيون الظـلام
بعض الحكي لو جاك دون المستـوى لا تنقهـر
العاقل اللي يرتفع بالهـرج عـن سقـط الكـلام
حال البشر ما ودي آعلمك عـن حـال البشـر
الصاحب اللي لو سبقته حط في ظهـرك سهـام
لا ولعـت نـار الجهالـه لا تزودهـا شــرر
وجعلها بالطيب والحكمـه تجـي بـرد وسـلام
يا صاحبي ما ضاق صدري لو عبس وجه الدهر
والى تكدر خاطري فرشـت لـه ريـش النعـام
من أصعب الطعنات للانسـان طعنـات الظهـر
لكـن هـذي بالضـروره تعنـي انـه بالامـام
وجدي وجود الشايب اللي شاف سمحان (ا) يهدر
باعه لناسٍ مـا تفـرق بيـن خفـه والسنـام
ماجيت ادور لي رشيقة عـود ونحيلـة خصـر
ولا جيت في رجوى ابتسامه ما يخبيهـا اللثـام
لكن جيت أسمع شعر وأكتب شعر وأقـرا شعـر
وراس مال السالفـه عنـدي قصايـد والسـلام
لبيت دعوه مـن رجاجيـلٍ لهـم عنـدي قـدر
والعذر لا يمكن يجملنـي مـن النـاس العظـام
ما قلت لك هذي تعـدا كونهـا وجهـة نظـر؟
علمتنـا فـن التعامـل بعـد فـن الإحـتـرام