لاتـنشغـــل فيـــنـي أنابحـالـي ادرى
قلبٍ تعلّق فيك ينسى مع الوقت

اكثرمن اللي صارلي ويش يجـرى
بــين الرجاوالياس شفنـي تعلّقـت

مثــلي ولوشــفته عن همومـه ازرى
ماقال ليتك في جروحـه ترافقـت

هــاك القــصايد لاتــضايقـت واقـرى
شـف وش كثرفيها لبسماتك اشتقت

أثــرالـــوفــا يــنــبـاع عنــدك ويشـرى
ماكنت اصدق فيك واليوم صدّقـت

يامشــتـهـي فرقا المواليـف حـذرى
تـبعد وأنا من سكرة الحب مافقـت

لاطــافت الفرصه تحريت الاخـرى
وتــــروح مـــاكــــنـــي عليهـا تشوقـت

ســــاري لــــو إن الليل مافيـه قمـرى
اشيل من حمل الهوى فوق ماطقت

لاصـــارحـظ أقـــشروالايـــام قشـرى
مــافيه احد عاقل يلومك إلياضقـت

صحـــــيح بعض الناس فـرقاه بشـرى
وبـــعض الـــبشرلاغــــاب ليله تضايقت

ليتك خذيت بليل الاحباب مسـرى
غــــربت مــن كثر الطواري وشرّقـت

الـــســيل يــبــقاله عـــلى القـــاع مجـرى
ويـــبـــقـــالـــك الــتــذكارلوكنـت فارقـت

اشوف لك من وين مارحت ذكرى
ولاشـــفـتــهـا صـديت عنهـا ودنـقـــت

مــاكل جـــرحٍ لاخـــذا أيـــام يــبـرى
بعض الجروح يزيد شره مع الوقت