يضيق صدر الليل لا صار الشفق غربـة نهـار=وتنبت أشجار السكوت وينقطع غصـن الكـلام
صدري مدينه تستغيث الوصل من تحت الدمـار=أشواق وآهات ومشاعر ميًتـه تحـت الحطـام
الخاطر اللي خنجر الفرقـا وسيـف الأنكسـار=زادت طعونه لين غطت دنيتـه سـود الغمـام
هذي طعونك جيشها سوى على جرحي حصـار=وأنا رميـت الرايـه البيضـاء ودورت السـلام
تاقف على جرحي وينتابـك شعـور الأنتصـار=تغتال لي فرحي وترحل تحسبه ماهـو حـرام؟
خذني بقايا روح تبكـي فـوق حـد الأنهيـار=خذني بقايا بوح يبكي هجـرة أسـراب الحمـام
قفًلـت مابينـي وبينـك بـاب ردً الأعتـبـار=تفرش لي الفرقا وتزعـل يـوم لحًفتـك مـلام
آخر خيـوط السالفـه لـو بيننـا دار الحـوار=لملم شتاتي وأحتضنًي نفسي أشعـر بالزحـام
بُعـدك وأشواقـي وحبًـات القـلاده والسـوار=وفرحة الشمعه وهي ترقص على موت الظـلام
ياليل لا تزعل ولو صار الشفـق غربـة نهـار=غصن الكلام ان مات ! بعده يرتوي غصن الغرام