شكرا يااخت بدويه على استضافتي وشكرا على المقدمه الطيبه وانا اتشرف
اان اكون احد ضيوفك واتمنى ان اوفق في الاجابه والمعذره ان حصل مني قصور
الاسئله والاجابه
أسم الشاعر :
خذيت من الشموخ اسمي ومن زود العلا معناه=الى ماقيل اسامي الناس تعرف من معانيها
.
ابيات تصف فيها شخصك:
شخص عادي في حضوري والغياب=لا لي مستقبل ولا لي ذكريات
.
1)الرجوله ميزه تميز بها الرجل .. فما رأيك بالرجوله :
الرجوله من لبس ثوب الشهامه=وعز نفسه عن قريب وعن بعيد
2)ماذا يقول الشاعر في رفاق السوء :
تحذّر من رفيق السوء واحذر من مخاواته=رفيق السوء مثل ابليس يورد صاحبه للنار
.
3)كل شخص له هدف في هذه الحياه .. ما هدفك :
وش يرجى قلبي من اهداف الحياة=كلها قدام عيني طايحه
.
4)ابيات تهديها لفرد من أفراد عائلتك :
طلال ياروح قلبي يا وزين البصر=انت الامل في حياتي وانت كل الحياة
.
5)النفاق .. صفه يجب أن لا يتحلى بها الرجل .. مارأيك
.
ما خراب المجتمع غير النفاق=صاحبه مثل الوباء ماله علاج
.
6)كل شي يمكن أن نتغاضا عنه الى الغدر .. مارايك ..؟ :
الغدر دايم حربته مسمومه=وصاحبه مذموم حىّ و ميت
.
7)وصلت لك رساله .. صاحبها يطلب منك المعونه في أمر ما ماذا سيكون ردك :
ان كان يستاهل نلبّي مطاليبه=وان كان مايستاهل العذر يتجمّل
.
8)غالي ولكن قرر الرحيل بدون أي سبب يذكر .. ماذا تقول له :
اللي تركني بدون اسباب ماهو بغالي=وقيمته ترخص متى مانوى الرحيل
.
9)وصلت إليك رساله من شخصيه تحب ,وفارقته بسبب ظروف الحياه .. يقول
(..غايب وانت بالقلب موجود
ما غبت عني لو تطول الليالي
اذكرك لا شميت انا ريحة العود
واذكرك لاهبت هبوب الشمالي
واذكرك لا بانت لي ازهار وورود
واذكرك لا فكرت في كل غالي)
ماهو ردك :
.
يامرحبا يالول في عقد منضود=يامكسبي والفود ياراس مالي
اسهر مع ذكراك والعالم ارقود=وصورتك ماتختفي من خيالي
ماتدري انك لي بلد ماله حدود=من وين ما آناضر اشوفك قبالي
.
10)الحب.. صفه خلقت مع البشريه.. ماذا يقول الشاعر عن الحب:
.
الحب شمسه ماتغيب وليلته كل الزمان=اقسا من ايام الشتاء واحلا من ايام الربيع
11)تفاجأ الشاعر بخيانة اقرب الناس له .. ماذا يكون الرد في هذا الموقف:
المصيبه العضيمه لو يخونك قريبك=طعنة الصاحب اقوى من طعون السيوف
12)منتدى رباع .. قضيت فيه أوقات ممتعه .. ماذا تقول له ولأعضائه :
سلام ياالمنتدى يابيتي الثاني=واثني سلامي ويوصل كل اعضائه
13)بيت شعر تهديه لعضو ..:
آتشرّف يوم جيت وكنت ضيف الاستضافه=واعذريني يا ابدويه لو حصل مني قصور