تموت من الاسى البسمه تصير الدمعه مشهوره وعين الطفل ماتدري وش الورده من البـارود نما بين الجثث والظلم وامـه تحـت مقبـوره مشى خطوات لكنه سال ياهل تراهـا تعـود جلس يتذكر الماضي اي ذكـرى واي صـوره يبي يفهم وش اللي صار لكن الفكـر محـدود تلعثم صوت دبابه وقـف للمـوت جـاء دوره فتح صدره وقـال الله قدامـه ثـلاث جنـود فضيحه الشرف ينداس فضيحه تنكشف عـوره ولا نهتم ولانجزع صحيح احساسنا مفقـود اجل وش لون لو كانت هزيمه بلعبة الكـوره تقوم الدنيا ماتقعد مصيبه والجميـع شهـود .........................................عثمان المجراد الشمري