رثاء والدتيرحمها الله

كيف بدله كيف بنسى يالله ياربي ُمعينـي= يلطف بحالٍ تكدر وحب اصبـح سرابـي

بتصبر ونتصبر وبذاتـي أبقـى سجينـي= محد يعرف يايمه كم كبر حجم المصابـي

محدٍ يعرف يايمه سـر الولـه والونينـي= محد يعرف يايمه ليه دمعي غرق اثيابـي

محدٍ يعرف يايمه كيف أنتي أثرتي فينـي= انتي شريان الحياةِ وانتِي دمّي اللي جرابي

في وجودك ياحبيبه كل شئٍ فـي يدينـي= وفي غيابك يا أُميمه زاد وجدي وأنتحابي

بدعائك في صلاتك كل شئٍ فـي يمينـي= وبدعائك في سجودك بعّد كُل سوء نوابـي

يا حبيبه بتصبر وأدعي لقلبـي الحزينـي= يتصبر ونتصبر علـى مقسـوم النوابـي

هذا مكتوب عليه ختم مطبـوع بجبينـي= القدر مادونه مفر هذي ختمـة الجوابـي

وهذي عادات الليالي هيضن خافي حنيني= يحسبني دالهاً ويحسبـن ماشـن بدابـي

يومهني صبّحني بجرح أصبـح مكينـي= ليتهني اتركنـي بحالـي ماحـدٍ درابـي

ياحبيبه أعذريني ويـا أميمـه سامحينـي= سامحيني ياحبيبه غدر الزمـن انتوابـي

كل حيٍ يا أميمه مصيـره مـوتٍ يقينـي= وكل حيٍ يأحبيبه مصيره يرجـع ترابـي

ضيدان الشرافي