هذي قصيدة لشاعر الأخ محمد جمعان الشاعر قراته واعجبتني وحبيت انقلها لكم أرجو ان تنال اعجاب الجميع اترككم مع القصيده







عسى ربى يعجل بالممات انكــان لــى بـه خير
الا يالله يارب العبــــاد اصــــــلح لي اعمــــالي

كبيره هالذنوب الى نســـويها بــــــــلا تبــريـــر
طغى وقتي وجــارت فتنة الايــــام واهمـــــالي

ضلمت الروح ظلم يفوق بلمــرات ظلــم الغيــر
بكى حالي علي وصرت ودي ابكى علي حالى

عصينا ربنا والذنب مايعــــــرف غنــــي وفقيــر
مسـاكيـن البشر يغو يهم الشيطــان ويــنالــي

هني الي سجدلله سجـــــده عطرها التكبيـــر
ومــــات وفــــارق الدنيـــا وهــــو سجاد للوالي

تــرى حنــا في اخـر وقت وقت الغش والتزويـر
وحنــا في اخـــر الاجيــال ولا شـــر الاجيــالــى

زمان الولد مثل البنت نفس المشي والتكسير
زمـــان ماتـفــرق بيــن بنت وبيــن رجـــالــــــي

زمان الظلــم والارهــاب والاحقــاد والتـكفيـــر
زمـــان الحســد واهــل الحســد ولا يتهيــالي

زمان الــكره ولا الــحب ماتفــرق في التعبيــر
زمـــان الفقــر واصحـــابه وطفرة روس الاموالي

زمان الكــذب وامجــاده وهيبــة نافخين الكيـر
زمان اكل الربا واهل الدجل في شتى الاحوالي

زمان المــرتشين اوخبثهــم لـومايصيـر يصيــر
زمــــان اهــل النفاق الى تبوت منصب عــــالي

زمان الكفـــر بالنعمه زمـــان البخــــل والتقتير
زمان الجــــور والاســـراف والانكـــار للحــــــالي

زمان اهل الريــا ماصامــت الالجل وجه الغيــر
لـــوجــه الله مـاصــامت عليها لــعنت العــــالي

نعم حنــا في اخــر وقت لـوهو ينفع التحذيـر
تشابـــه وقتنـــا واليـــوم الاول يشبـــه التــالي

عسى ربى يعجل بالممات انكان لـــى به خير
ويغفـــر ذنبـــــي السابق ويصلح باقى اعمالي