يا عيدنا اللي صاير(ن) بيـن عيديـن=
بين رمضان وبيـن عيـد الضحيـة=
.=
جعلك تعود ليال وشهـور واسنيـن=
وحنـا بخيـر ولا رزانـا رزيــة=
.=
ننعم بنعمة ضافـي الأمـن والديـن=
ما عنـدنـا بغـضـاً ولا مكرهـيـه=
.=
في ظل ربي ثـم ظـل السلاطيـن=
العادليـن اللـي ذممـهـم بـريـه=
.=
حكامنا الوافين في العسـر والليـن=
فـي حكمهـم كـل القبايـل سويـه=
.=
وحنا لهم طـول الليالـي مطيعيـن=
علـى كتـاب الله وسـنـة نبـيـه=
.=
من عهد أبو تركي مقـر الموازيـن=
اليـا عيالـه طيبـيـن السجـيـة=
.=
متــكاتفين كلـنـا ومتصافـيـن=
الـرأي واحـد والضماير نقـيـه=
.=
سوات هذا اليـوم فالمحفـل الزيـن=
اللي حضرنـا فيـه مـن كـل نيـة=
.=
أربع مية وإلف وثمنيه وعشرين=
في شهر عشره وسط نجـد العذيـة=
.=
مسجل(ن) في قلوبنـا والدواوين=
ما يمّحـي مادامـت الشمـس حيـه=
.=
مزايـن الهيـلا للإبل المـزاييـن=
أهل الحلال اللـي قليـل(ن) حليـه=
.=
سود(ن) ووضح(ن) غاليات المثامين=
وشعل(ن) وصفر(ن) فيهن الجاذبيـة=
.=
نسع الغوارب ضافيـات العرانيـن=
وظهورهـا فيهـا تقاعـس شويـة=
.=
معمقات(ن) مـن خيـار البعاريـن=
ما حوّلـت فيهـا الزمـول الـرديـة=
.=
ومن السطر فيهـا تـدك المياديـن=
عسكـر ولـو ما تعـرف العسكريـة=
.=
تعمل عروض خلاف ويسار ويميـن=
تقـول راعيهـا مــدرب سـريـه=
.=
كل واحـدة منهـا تراعيـه بالعيـن=
تقول تضـرب لـه سـلام وتحيـه=
.=
ماجـات معنـا باالتسلـف وبالديـن=
وإلاّ عطـن مصفـوط وإلاّ هـديـه=
.=
اللي ورثها من رجـال(ن) مسميـن=
وصية(ن) يوصـي عليهـا وصيـه=
.=
واللي دفـع فيهـا مئـات الملاييـن=
ويقـول مهمـا سقـت فيهـا بليـه=
.=
والبـل تـرى ما تؤخـذ إلاّ بثنتيـن=
شي(ن) مجرب من علـى الجاهليـة=
.=
أمـا بنثـر الـدم يـوم الاكـاويـن=
ومصافق الفريّس صبـح وعشيـه=
.=
وإلاّ قناطير الذهـب والذهـب ويـن=
يخلـي النـاس الفقـارى غنـيـة=
.=
وحنـا كسبنـاه مـن أول وذل حين=
بالجهـد وعـزوم الرجـال القويـة=
.=
وقمنا بواجبهـا كـلام(ن) بتثميـن=
واللـي يسـوي مثلنـا حـي حيـه=
.=
من باعنا عرعر وأبا القـور ويميـن=
اليا الحجـر ومـن تحتهـا شويـة=
.=
وأن صار للصيف المبكـر وداديـن=
علـى العبـال الشاسعـات الخليـة=
.=
جاتك تخافـق مخزيـات الشياطيـن=
تبغا الجنوب اللـي تطـارد نصيـه=
.=
وأن صار يا مشكاي وجه الدهر شين=
وضاعت علوم اللي يسوق المطيـة=
.=
علـى مصارفهـا بربـي قويـيـن=
ندرك عشاهـا لـو نباتـه وقريـه=