صدمتني يازيــن بـفـراقـنا الحين
يالله عسى ماصـار نعـمه وخـيره
صـحيح ماضنيت فـرقـاك يـازيـن
لاكـن عـلى الاقـدار مـابه بصيره
الحب دين وللاسف مامـعـك ديـن
رميـتني وسـط البحـور الغزيره
عيشتنـي بالحب لـك حول عامين
صحيح فتـره بس كانـت قصيره
عشنا بها دايم على الزين والشين
ماهـمنا الـعاذل ولو مات غيره
مشيت انا وياك مدري عـلى ويـن
اشوف انا الدنيا بقربك صغيره
كنت اعتقد حبك بيبقـالي اسنين
ماكنت اظن الهجر هذا مصيره
والله كتبت الشعر والدمع بالعين
والقلـب يتـوالا شـهيقه زفـيره
مع السلامه يابعـد كـل غـالين
يالله عسى فالبعد يازين خـيره