ماكذب شخص(ن) يقول إنا نعيش بتالي الزمن.=
الدلايل واضحه وأكبر دليل اللي نشوفه دايم.=
شي يندا له جبين الكفو ويفت الصفا فتان.=
الدليل اللي يبين ماعليه الهجره المياله.=
صارت الأذناب فوق ودنت الروس المنصبه.=
هذي قريه كنت ساكنها وكانت بالبشر ماهوله.=
مايضحكني بها غير العريف ونايب العريف.=
حيك الأثنين والله للتقى العالي على المتجرد.=
ياشمات الشامتين ويالله إنك لافضحتنا.=
العريفه قلبه أبيض والمصيبه كلها من قلبه.=
لين من طيبة بقلبه صار لايحمي ولايصيد.=
رغم هذا إلا أن له قدر(ن) بقلبي وأحترام وهيبه.=
لو شوي مالنايب الملعون كان الامر من سعه.=
أما هذا النايب أشبه لايكون ببيضة الغرباني.=
البياض بملبسه غير السواد بقبح نيته.=
إن لقيك قام يضحك لك بوجهك ضحكةٍ غداره.=
ضحكة فيها الدجل والكذب ماهي من صفا نيه.=
همه الدايم يسبب كل يوم مشكله من لاشي.=
مايريح خاطره حتى يشب الفتنه بين الناس.=
من حقاره فيه مايبدي بوجهه للبشر بدواني.=
وإنه ماهلا يسبب مشكله ويعود يدرق.=
إن سكتنا والله إنا ماسكتنا إلا مزان وشيمه.=
وإنها شيماتنا تمنع من إنا نادبه وداب.=
القضيه كل أبوها وقت حتى نطردك مالديره.=
شد عفشك فان ماعد لك بهذي الدار منزله.=
أبو يحيى