[CENTER][CENTER][center]

أرجو ان تنال الحد الأدنى من الرضى

	سحابة الهم صبت وسط قلبـي عـذاب وأسقت غروس الجفا لين أصبحت راويه . لا يا سحابه مليتينـي حـزن واكتئـاب مادري على قلبي المسكين وش ناويـه . ياما تمنيت شوفك وأدري انـه سـراب لكن مـا ودي أقطـع شعـرة معاويـه . تصدق اني على شانك كرهت السحـاب وصرت أشوف ارتفاعه يشبه الهاويـه . لك الله اني من أسبابك فقدت الصـواب كنـي وسـط دايـره وآدور الـزاويـه . صدري شعيب أتعبه ليله وصوت الذياب مليـت ليلـه وصـوت ذيابـه العاويـه . حبك مدينه بدون أسوار وبـدون بـاب ماهي غريبه تصيـر عروشهـا خاويـه . والوقت يثبت لي ان الحب ماله حسـاب وفرصة الفـوز والخسـران متساويـه . الحب لاصبح سؤال وصار صدك جواب منين لي دمـع يطفـي نـاره الكاويـه . مادري عن القلب بعدك مات والا مصاب بس الأكيد السهـر والعيـن متخاويـه . حتى لو انك بعيد وصار شوفك سـراب والله مـا ودي أقطـع شعـرة معاويـه