قالوا تمنى قلت شوفة حبيبي
شوفة حبيب مالك كل الاحساس
ودي اشوفة من عيوني قريبي
هو الوحيد الي هويته من الناس
قالوا تحبه قلت حظي ونصيبي
وشلون ماحبه وهومعتلي الراس
له منزل في وسط قلبي رحيبي
بانيه له والله ساس على ساس
قالوا تخونه قلت هذا صعيبي
لوهويخون القلب لاباس لاباس
مابيه ثاني عن عيوني يغيبي
لاشك بعده يصبح البال محتاس
قالوا تبالغ قلت ماهوغريبي
لاضل احبه يابشر لاخر انفاس
هوبسمتي هوفرحتي هوطبيبي
هو السعادة لاصبح القلب بتعاس
لوسقاني المر واكثر عذابي
لسقيه صافي الحب وارويه بالكأس
لوعاتبوني فيه وزادو عتابي
لاقول حبه ماله اليوم مقياس
ياناس بالله لاتلوموا حبيبي
ترون من بد المخاليق حساس
يالله ياجاعل شروق مغيبي
تجعل حبيبي على الدرب نبراس