يالله صباح خير اصبحنا واصبح الملك لله
وش ها الأزعاج والصراخ الواحد حتى ما يكمل حلمه
الهمس حلم حلم الله يستر بس
البارح وكالعاده دبيت ذيك العشوه الدسمه الي بعد ما يحتاج سمك هاكور وربيان وشعري وشوربة ربيان على الطريقه الايطاليه على شوية مقبلات وسلطات وبعدين حليت
وسيده على السرير قعدت اقلب بالتلفزيون وانا على السرير وكل ما اقلب قناة الا ذبح ومذابح وكلها في نطاق الدول العربيه وهذا يسب هذا وذا يجامل هذا وناس يتهاوشون في عمان مدري على ايش
المهم قلت يالولد خلك من دول العالم الثالث ذولا وارقد بس وراك قومة الصباح
المهم حطيت راسي بعد ان اطفأت التلفاز واضأت اللون الأحمر الخافت والبرد كسر عظامي وياليل على الجو
المهم ذهبت في نووووووووووووووووووم عمييييييييييييييييييييييييييييييييق
وشوي بسم الله الرحمن الرحيم
الا هاذا مشهور شايل بندقيه من تراث الأجداد:busted_re
صقر الجنوب شايل جنبيه ( خنجر كبير)
السبيه شايل عطيف على كتفه (فاس)
ليل الوعد (شايل مشعاب) عجرا عنيفه جدا قد تؤدي بحياة الضحيه
سطور السنين ( شايل سيف)
وواحد شايل مسوط معه (اداة عمل العصيده) واعتقد انه صالح الكردشي ان ما خاب ظني
المهم الا ذولا يصيحون قوم قوم يالله عجل علينا تأخرنا
وش فيكم وعلى ايش تأخرتم ؟؟؟؟ وانا مذهوووووووووووول
قالوا اسرائي هجمة على غزه وحنا رايحين نحارب
قلت بتحاربون اسرائل قالوا اكيد والا الرجاجيل مصرين
قلت يا جماعه عينوا من الله خير وخلونا نصلح بينهم بس والعنوا ابليس
بعدين اسرائيل لا تشوف اسلحتكم هذي ما قعدت بالشرق الأوسط خير شر
صدقوني لو شافتكم لتهاجر لقطر
المهم الا الربع مصرين
قلت يا معين نضرب مشوار لين معبر رفح الحين وحنا نمشي والربع متحمسين بمسوطهم ومشعابهم
مشهور يثير الحماس وزعلان قافله معه من اسرائيل بس كنه عامل حساب احد خايف يزعله
وصقر الجنوب يصايح وراح نذبحهم ويغمز مدري ليه
والسبيه ما غير يناقز لازم نطردهم ولازم نبيدهم ويكلم تلفون مين الله العالم
وليل الوعد الرجل هذا خطير اطلق العنان للسانه في الشتم والسب ولعن اسرائيل بس الغريب ان صورهم في جيبه
اما سطور السنين فقاعد في عالم اخر كوره ولعب وتقسيم وجدوله وعايش عالمه
المهم
وصلنا رفح
وراس الحراس والف سيف ما ندخل وحنا مسلحين
قال مره ونحاول ونكلم عمه الكبير ويطلق عمه بالثلاث ما يدخل واحد منكم ويكلمونه الكبار ويقول حنا دخلناهم من زمان
وحنا ذبحنا الهوا عند باب رفح والغريب اني اشوف امم عند الباب ولاحد قدر يدخل واشوف الاسرائليين في الجهه المقابله والعسكر الي على المعبر مخلينهم وموجهين البنادق علينا
الحقيقه اني شكيت انهم حولان ويبغون يوجهونها صوب اسرائيل بس حول وش يسوون عاد
وهو يقوم السبيه ويصك واحد منهم بالمشعاب بين عيونه والا الدمان من كل صوب
المهم وحنا نقوم نلملم الموضوع
وفي المعمعه يجي صالح الكردشي الله يمسيه بالخير وهو يصكني بالمشعاب والا انا ما اشوف طخه
وشوي والا انا تحت السرير ما اسمع الا صراخ امي الحبيبه تيقضني لصلاة الفجر
وانا اقوم الملم ما بقى مني وادعي على السبيه
وتقبلوا تحياتي
تراه حلم لاحد يحاسبني