أكاديمـيـة العرضـة الجنوبيــة - ربـاع - عرض مشاركة واحدة - كل شئ للـــــــــعــــــــــروســــــــــه

أضغط هنا · 14/10/2004, 02:49 PM

اولاً :
شوفي او اسألي او ابحثي بقدر المستطاع هم اش يحبون يلبسون اكثر ..
التنانير الاسبورات او البدل ( تنانير طبعاً ) او فساتين هادئه او يحبون الجلابيات المغربيه او الخليجيه .... او يحبون البنطلاونات او القصير لكن هذي الثنتين الاخيرة ابعدي عنها احسن ..
واذا معرفتي احسن شي البسي تاير مكون من قطعتين ( تنورة - بلاوزة - دقله عليه او جاكيت - او منديل ) حركه غريبه شوي ,,,
الاوان لازم هادئه شوي وماتكون مزكرشه مرة اختاري الون الي حلو عليك حت لو كان اسود او احمر ,,,
لازم اللبس ما يكون ضيق مرة عشان اذا كانت هناك عيوب مخفيه مايظهرها .
فصوص لا ,,,,, ترتر يضحك لا ... دناديش مالها داعي لا ....
لازم تختارين مديل حلو وشوي مو صعب والسوق مليان بس دوري مزبوط او اشتري بدلة حلو من الماركات المعروفه لو كان رسمي مايخلف ..
الاكسسوارات تجنبي الالوان الملفته البسي ذهب ابيض لانه رقيق حتى الحلق ( الخرص ) مايكون طويل لو كان لؤلؤ افضل المهم الرقه في الاكسسوار يعطيك البراءة والصفاء ونعومه في الطله ..
المكياج طبيعي وبس من غير احمر وازرق واخضر مفهوم واذا تبغين تحطين بمبي لامانع من دون ظلال اما رسمة العين والكحل مش مشكله والظل الطبيعي ما يخالف ...
الشعر منسدل افضل الله يخلى الاستشوار ,,,
الاكمام كت او قصير افضل ...
ادخلى بريحه طيبه (( عود او بخور )) بخري ملابسك وشعرك ... وادهني بالعود افضل من الكلاونيات او عادي حطي الشي الغريب الريحه والرايق الهادي ...
سلمي على ام العريس وجدته على راسهم وايداينهم اذا كانوا كبار بالسن .. لاتنسين ,, ادخلى من غير خوف وخليك طبيعيه ولا تكثرين كلام ..
واذا نسيت شي ذكريني .. وان شاء الله تستفيدين ياعيوني ,,,

سألت وحدة ملكة وش لبستي يوم الخطبه .. قالت فستان عريان لونه اسود وجكيت خفيف شوي مقصب ذهبي بس تراه مو حق عرس انا شفته ورتنيها عشان اعرف اوصف زين ... المهم وحطت ظل خفيف ذهبي واسود من خارج العين ( انا ما شفتها طبعاً ) وكريم اساس من ديور وشدو من برجوا ذهبي من غير لمعه مرة وحطة روج طبيعي من كرستيان ديور ...
ولبست سلسله ذهب مع تعليقه فيها اسود وخاتم ذهب مع حاجه فيه لونها اسود وكذلك الخرص رقيق ,, وشعرها استشوار مع ريحة كلونيا مادمازيل وجزمه عاليه ذهبي مقصبه زي البلوزة ؟؟؟؟؟
سألتها ليه مقصبه تقول عشان جوا في الليل والصالون انوارة صفراء ,,,
المهم في الموضوع قلتلها من وين اشتريتي هذا الفستان الاسود والبلوزة الى مثل الجكيت .. قالت من مانغو ........
اذن الفستان الهادي ينفع المهم التنسيق مع الاكسسوارات والانوار والصالون مهم ... ولي عودة بعد ما اسأل البنات

------------------------------

إذا أول مرة يجون أهل العريس

إلبسي تنورة وبلوزة مرتبة ، ماتكون واسعة ولا ضيقة

يعني تطلع جسمك حلو ، أهم شيء ماتسمنكككك

والمكياج يكون هادي وناعم ، لا تبالغين فيه

والشعر بعد لا تسوين تسريحااات وخربطة

سرحيه بشكل طبيعي وحلو ، إستشوار خفيف أو تلفيف إذا يناسبك

والبخور والعود لا تنسيسنه ;)

ولا تستحين مرررة ، حاولي تسولفين شوي ، مو بزياااااادة

أهم شيء تكوني طبيعيه مرة ، وتبتعدي عن التكلف سواء

في اللبس أو المكياج

أما في الكلام أعرف إنه صعب عليك شوي تأخذي راحتك فيه

لكن إذا سئلك ردي عليه لا تخجلي مرررة

والله يوفقك ويسعدك
================
أخواتي اللبس الساتر يوم الخطوبة أحسن لا تكشفي عورتك أحسن أن تظهري يوم العرس بكامل زينتك أمام زوجك إن شاء عجبتكم النصيحه
--------------------
قبل موعد الزيارة بأسبوع جهزت اللبس ( أخترت وثبت على الأختيار ) عشان ماأرجع في كلامي مع القلق والتفكير كان تنوره لونها ساده (قريب على البيج )!! وبلوزه مقلمه درجات الأزرق وبيج

ركزت على شرب العصيرات والماء وقللت من الدهون لأن السؤائل تزيد من نظارة وصفاء لون البشره

اليوم اللي قبل الموعد كنت قلقه وفضلت أبتعد عن الأجواء العائليه والتعليقات وكانت طلعاتي من غرفتي قليله

ونمت ليلتها بدري عشان ياخذ الجسم راحته وأكون أكثر هدوء في اليوم الثاني .

صحيت بدري 7 لأني أعتقد أن الستيقاظ بدري دائم يجعل الوجه أجمل !!!!!!

فطرت - غداء مافيش !!!

رتبت نفسي أني ألبس طقم أكسسوار ناعم جدا سلسله وحلق وخاتم وأسوره

ممنوعات : مكياج عطر لأنها نظره شرعيه ومازال رجل أجنبي

التسريحة ذيل حصان ومع ذلك لبست طرحة خفيفة وتركت جزء من الشعر يظهر ( شيء بسيط - عشان ياخد فكره عن الموضوع )

عطرت غرفتي اللي جالسه فيها بعطر يريحني ومسكت المصحف وجلست أقرأ وأدعي إذا خير الله يكتبه ويرضيني فيه ويرضيه فيه إذا لا الله يكتب لكل واحد الخير

جلس قبل خروجي أخويه معايه وقال لما أجي أناديك راح تجلسي بجنبي

وفعلا دخلت بكل هدوء وقدرت أقول السلام عليكم ............

وبعدها الحمد لله سارت الأمور على خير
--------------
تحياتي حبايب أختي يوم خطوبتها لبست تنوره سكري مورده بأحمر وبلوزه حمرا لأن ا لون الأحمر حلو عليها مره وأكمامها طويله وما حطت ماكياج بس رسمة كحل ناعم وروج وردي طبيعي علشان لون شفايفها من الخوف متغير وشعرها مستشورته وكانت قاصته ولا لبست شيله ...
----------------
اللبس الأنيق المحترم انسب شي بس يكون بعيد عن الجينز والسبورت لأن المناسبه رسميه شوي.. احلى شي التنوره او الفستان لأن يعطون صوره انثويه
ونفس الشي المكياج المناسب هو الألوان الهادئه الطبيعيه ويكون شي خفيف شدو لون واحد فاتح كحل، خفيف اذا كانت عيونك صغار، بلاشر فاتح ولا تكثرينه اذا كانت خدودك تحمر من الخجل، وحمره مناسبه او غلوس شفاف اذا كان لون شفايفك حلو
الشعر سشوار عادي بلا تسريحات وحركات يكفيه قصه حلوه مرتبه
اما الإكسسوار يكفي طقم بسيط جداً يعني سلسلة خفيفه وسواره ناعمه وحلق صغير وخاتم وساعه شيك وتختارين الي يناسب ملابسك يعني مثلاً مع اللون الوردي الفاتح الذهب الأبيض او اللؤلؤ ومع البني الذهب الأصفر
وطبعاً ماتنسين الشغلات الصغيره.. عطر حلو وماتكثرين منه وشخصياً افضل دهن العود وبخور العود.. منيكير عشان لا جيتي تسلمين تبان يدك حلوه.. ولازم البديكير اذا مابتلبسين حذاء مسكر..

أهم شي اذا كنتي بتقابلين المعرس لا تنسين انه بعده غريب عنك.. يعني ما يحل لك.. لازم تسترين جسمك وشعرك.. لأنك بتسترك تكبرين في عينه وتزيد غلاتك.. ماتبدين له من زينتك إلا الشي البسيط الي يحببه فيك.. اللبس المحتشم الأنيق، الإبتسامه الهادئه، وحياء المرأة المسلمه

الله يبارك لكل المخطوبات والمتزوجات
ويزوج كل العزابيه
-----------------
انا عن نفسي للحين ما جربت
واذا جه اليوم بقول لكم ان شاء الله

بس سألت رفيجتي هي توها متزوجه

تقول لبست تنوره بيج ومشجره بأحمر و قميص احمر
لبسها كان مستور
وحذاء بيج ومكياج فاتح يناسب اللبس
شعرها مسشور ومفتوح ولابسه ذهب ابيض
--------------------
منقول