وشفيك تسأل كلما اصبحت وامسيت
ان كنت احبك او تناسيت الاشواق
وشفيك زاد الشك يمّي وحطيت
افكار في راسك وسديت الافاق
وش غيّرك حتى علينا تماديت
وانت الكريم الفاهم الطيب اخلاق
وشبك تناسيت اني ان قلت اوفيت
وانا معك قلبي كما بيض الاوراق
انا اذا حبيت باخلاص حبيت
واذا كرهت اكره من اعماق الاعماق
ان كان انت اللي من الحب مليت
وخاطرك قد ملّ ياصاحبي ضاق
قلي وريحني ومشكور سويت
اللي عليك وللمخاليق خلاق