انتصر ياس حبك وانتهى من رجايا
وابتدا الشك يظهر في خوافي ضنوني
الله يسامحك ما ضنيت هذا جزايا
ليه تبكي عيوني يوم ضنت عيوني
احسبنك بدربك وانت تمشي معايا
ليه تقسى علي وانت قلبك حنوني
ليتني ما دريت ولا عرفت النهايا
مير هذا مقدر لازم انه يكوني
لاتقولون ياعذال ويش السوايا
انشدوا من بدا بالهجر لا تنشدوني
انشدوا من على تحطم هوايا
عقب ذيك الصداقه كن ما يعرفوني
صار حبي وحبك يا حبيبي روايا
مثلوها العواذل عله عنك ابعدوني
دايم ارعى خيالك في صباح ومسايا
واذكر اسمك وانا في هواك مغبوني
عط حنانك لغيري لا تسل عن عنايا
خل ذكراك لي وانتو لا تذكروني