السلام عليكم ورحمة الله وبركاته
اسعد الله جميع اوقاتكم بالخير
مبروك عليكم الشهر مقدماً وكل عام وانتم بخير
ابيات حبيت ان تشاركوني قراءتها
واتمنى ان تحوز على رضاكم
قالوا بشهر الخير شا شاتنا غير= ناساً تضن ان الرذيله فضيله
رقص أو غنا وأمور لهوٍ وتقصير=والوازع الديني تجاهل دليله
تسابق القنوات ليته على خير=ماهو على نشر العري والرذيله
مسلسلات مسابقات وفوازير=خليل يشكي من مفارق خليله
يا ناس خافوا من يسبح له الطير=إلهنا راعي الصفات الجليله
الشهر هذا شهر توبة وتكبير=به ليلةً تغني عن ألفين ليله
للصايمين القايمين التباشير=من الله بجنات خلدٍ ظليله
واللي انشغل عن ذكر مولاه بالغير=ويله من الله يوم يلقاه ويله