اقتباس:
المشاركة الأصلية كتبت بواسطة صقر الجنوب
المشكلة ياشباب اللي بيروح فيها موظف البنك الذي اخطأ فهو الوحيد المطالب بإعادة المبلغ على آخر هللة ويمكن بعدها يتم فصله بسبب الخطأ ..
للجميع تحياتي
|
والله عارف يابو احمد لكن طلاق لاعطيه منها ما يعادل شغله في البنك قد خدمته
اضعاف وفوقها عماره جديده في ارقا حي
هذولا حراميه من وين جمعوها الا بؤر الفساد المالي وما اكثره في بلدنا ومن جيبي وجيبك
وزي ماقال وافي اخذ منها شقا عمري الي راح والله يابو احمد مليون الا شي بسيط
فيها 300 الف ماهي لي لناس شرواك منهم من عوضتهم ومنهم من حلفو ما يخذون
غير مابقي لو ماهلا ريال .
وفيه منهو اكثر مني ومنهو اقل مني عارف والله اقربهم شخص اعرفه راح عليه 35 مليون
نصفها تسهيلات وواحد 24 مليون ايضاً نصفها تسهيلات وقامت البنوك بتسييل محافظهم
وهم يصيحون.
واما باقي مبلغ الهامور هذا يحول الله مابيني وبينه اعرف وين اوديه قسم بالله كم من ناس
تحت خط الفقر ولكن يمنعهم من السؤال الحياء وعزة النفس.
وليتني اعرف موضف بنك يغلط في حواله من حساب احد الهوامير واعوضه واعوض نفسي
واعطي المساكين الي والله اعرف اطفال يروحون المدرسه بدون مصروف ياعالم ريالين او ثلاثه
ماهم لاقين وهذولا بالمليارات جمعوها من قوت الغلابا.
ولا تقولون ابو صالح مفتري لا والله ان شاء الله ماعرفت ولا اعرف درب الحرام
لكن قولو مقهور انسرق منه 900 الف وزياده يا ناااااااااااااااااااس
ماهو حرام حرمت عليهم عيشتهم لعنهم الله وسامحوني على اسلوبي والله اكتب وانا
اخلاقي اتش واعصابي تلفانه من حوامير السوق السعودي.
ولكم تحياتي .