يا حبيبي تسرق احلامنا واحنا نشوف=تجري الايام والعمر تسرقه السنين
ننتظر تفرج ولكنها عيت تروف=كل مامرت سحابه نقل يمكن تزين
اليالي عابسه والألم فينا يطوف=والزمن جبار والوقت قاسي ما يلين
كل ما زادت علينا عسفناها عسوف=بالوفا والحب نبقى عليها قادرين
بيننا عهد المحبه وتشهده الكفوف=ما تفرقنا اليالي ونبقى مخلصين
والجروح الي في اقلوبنا زادت نزوف=بين جرح او جرح تسمع عناها والونين
ارهقتنا ايامنا كل يومٍ له صروف=وارهقتنا اظروفنا والصبّر منا يشين
خوفي ان الصبر يذبل وتقهرنا الظروف=والصّبر لو راح وشا عاد باقي باليدين
العمر يجري وشمسه تميل للكسوف=خوفي ان البعد يفني قلوب العاشقين
كان وافانا الأجل وانتهينا في حسوف=قبر واحد يدفنونا ترى متعاهدين