|
@@ ومن (فاقد حنان)تردّ له شوقه ومضنونه
قضيت البارحه سهران وانعي قلبي المنهوب=غدا مني وليل المبتلي يمضي على هونه أهوجس راح من ذا الصوب وإلآ راح من ذا الصوب=أنا مجنون وإلآ جملة الافكار مجنونه ضياع القلب قلّة بخت وإلآ ماحصل مكتوب=ياليت اللي ضياعه من سبايبهم يداوونه أنا قلبي له اسراره ولا كل القلوب قلوب=بحر ماتضحك امواجه لكلّ اللي يغوصونه على شآنه ومن بعده تركت الزاد والمشروب=وعفت المطلب اللي تقصر الهقوات من دونه سهرت الليل غنيت الهجيني واعذب المسحوب=رفعت الصوت باللون الجنوبي بأكثر لحونه الاعب وحدتي وأحاول اكسب ودّها باأسلوب=وهي ترمي على صدري سيوف الغدر مسنونه معاناتي يترجمها الوحيد اللي فقد محبوب=تحدّاه الزمن والناس حوله مايواسونه ألا ياالله يامنشي السحاب الواحد المطلوب=تفرّد بالكمال وفي علاه الخلق يدعونه تفرّج كربة الشاكي وتجبر خاطر المتعوب=ومن فاقد(حنان)تردّ له شوقه ومضنونه |
صح لسانك وبدنك يابو سالم ملايين على روعة القصيدة وجعلك ماتفقد غالي يا شاعر
|
صح بدنك يابو أحمد ولا عدمنا طلّتك البهيّه اللتي تزيدنا شرفا ... تحياتي وتقديري ... |
اعجبني هذا الشطر جداً" أنا مجنون وإلا جملة الأفكار مجنونة" كل جنون مخيف إلا جنون الحب فهو جميل. ولو القصيدة كلها مافيها غير هالبيتين فهي رائعه : الاعـــب وحـدتــي وأحـــاول اكـســب ودّهـــا بـاأسـلـوب وهــي تـرمـي عـلـى صــدري سـيـوف الـغـدر مسـنـونـه معـانـاتـي يتـرجـمـهـا الـوحـيــد الــلــي فــقــد مـحـبــوب تـــحــــدّاه الـــزمــــن والـــنــــاس حـــولــــه مـايــواســونــه صح لسانك وعلا شانك وسلم بنانك ودام حرفك الشاعري . |
صح بدنك يا عذبه والاكثر من رائع هومرورك الكريم اللذي زادني شرفا وزاد قصيدتي تآلّقا ... لاخلا ولا عدم .. |
شاعر الابيات الجزله ابن الجنوب ابيات صيغة بمهاره صح لسانك وسلمت يداك |
اقتباس:
صح بدنك وشاكر ومقدر لك مرورك الكريم ... |
| الساعة الآن 02:56 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع