ياقلب قلبي قليبك كيف يسلاني=قل لي سبب ياحبيب القلب لعزوفك
لك عام غايب ومتخفّي عن اعياني=واليوم من عقب شوفك قل لي ضروفك
ادري بعذرك وهذا طبع الانساني=ينسى وانا ماسلى قلبي من وصوفك
معدنك مثل الذهب غالي بالاثماني=ولو لبست الذهب يخجل من كفوفك
يغار منك المها والبدر غيراني=ياغصن منك انهصر زهرك مع قطوفك
من روحك ارسال بالاهات ناجاني=وانا كتاب الغرام مزين رفوفك
دامك حفضت الموده جاك نشواني=حرف القصيد وتعلق تاج بكتوفك
لعيون خلي كتبت الحرف جزلاني=ياشعر لولا الهوى مازانت حروفك
يافاهمتني وبعض احيان تنساني=ياليتني قبل موتي ساعه اشوفك
ياللي اسمك العذب ماقد فارق لساني=مابي سوى الحب من فضلك ومعروفك