|
اللي يماشي غيرنا مانماشيه ،،، نوره الغامدي
رام الهوى حتى عجزنا نداريه=والقلب يشكي لوعته وإصطفاقه كم عاشق(ن) يرمي علينا بلاويه=وأغلب جروح الحب (نزعة حماقه) اللي يصفّق للخطأ ،،، تعْبت إيديه=واللي رحل طوّل علينا فُراقه واللي تغانا ياعسى الله يهنّيه=له من عيون الشوق نظرة شفاقه واللي جرحني ياعسى الله يخلّيه=يجرح وله عندي من الورد باقه من راح ماله غير مرباه يأويه=لو أعجبه بعض المرابي وشاقه يرجع على مربا من أول سكن فيه=والحزن بعد أيام يصبح رواقه لكن ديار الغربه في عالم التِّيه=ماهي وطن وإن كان عنده بطاقه كانك تبي لُبّ المثل من تواليه=غريب مهما يكثرون الرُّفاقه واللي يماشي غيرنا مانماشيه=كلّ(ن) على كيفه يكوّن علاقه |
الله الله
صح لسانك شاعرتنا قصيده من العيار الثقيل في صياغتها وجزالتها مبهره قصيدتك لاهنتي تقبلي مروري وتقديري |
الله الله الله
صح لساانك يا نوره ابداع وجزاله في المبنى والمعنى شاعره رائعه ورايقه وجزله بماتعني الكلمه سعدت بالمكوث بين السطور والابحار في غياهب هذا الجمال تقبلي مروري وودي واعجابي , واسمحي لي بان اكون من المتابعين لحرفك الرائع مع صادق التقدير |
نوره الغامدي شاعرة الابيات الجزله صح لسانك وسلمت يداك |
اقتباس:
صح بدنك ،،، شاعر رباع لاخلا ولاعدم |
اقتباس:
صح بدنك ،،، أخوي أبو نواف مما يضيف إلى متصفحي جمالا" حضورك الراقي لاخلا ولاعدم |
اقتباس:
بعد قلبي وحبيبتي لؤلؤه ،،، نورتي المتصفح وصح بدنك ،،، لاخلا ولاعدم |
| الساعة الآن 03:59 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع