%%% (( أحوال الأُمّه ... وأحوال العَمّه )) %%%
البدع : الزيادي= يالله أنصر سوريا ... بشار دمّرها بدومره= وأحمدي نجّاد .. لاجَنّ المساء عنده .. بذريّة جَنّ= ونحن مانبغي لسوق الفتنه ترويجٌ ولا حرج= باقي في ثار الحُسين ( الشيعه تتجاوب بحاضر ونعم )= يالله أبعد (حالها) عن كل حال .. و(مالها) صفه= المسلم قلبه من أسباب الخطا والظلم والعند آبي= غير سيف الحق مهما طاح من رُخْص الثمان ..سنين= إنتظار أم المعارك في (مَرَج دابق) ومن جبهتها= لاحت مثل البارق اللي يسرق الضامي لطيف الحال= وأمريكه تنسج خيوط المستحيل آلاتها شغّاله= والعرب من مؤتمر في مؤتمر .. هرجه وكلّيوم= الأمين العام لو شمّرت عن ساقه يبين أخواني= والشارع يبكي قهر في يوم عيد الحُبّ والوليف= جاء مصايب .. جاء كوارث .. جاء فتن هوجاء .. وجاء بدّاعي= وأنا عيني ماتشوف .. وحظّي القاشر عماي له= مدري من يبدي ومن يصعق علي بالحنجره ومن أشّر= كم لي أترقّب شرار النار وأتحرّا أشعيالها= الرد : الزيادي= سامح الله بوي يوم إنّه تزوّج مالبدو مره= وأنجبت منه العيال وكلهم غزله وذريّة جُن= عُقْله ومناحي ومحماس ونجر .. حدّث ولاحرج= والا فإنّ البدو مافيهم كلام وكل أبوهم ونعم= لكن العَمّه عليها الله وأكبر .. مالها صفه= مايجي الا شورها والا تضيق وتشتكي عند آبي= وأستمرّينا على ذا الحال مايقرب ثمان سنين= اللي مايدري بها يحسب شعاع الشمس من جبهتها= وأُمّيَ المسكينه مقصورة لسان ويالطيف الحال= لا تهشّ ولا تنشّ وكنّها في بيتنا شغّاله= والعَمّه ياما تورّينا نجوم الظُّهر كل يوم= وأنا يالمتحدث الرسمي سَعَتْ بيني وبين أخواني= بالفتن حتى تفرقع شملنا والجمع والوليف= لكن الله أخرج الظالم بظلمه وأستجاب الداعي= والظالم لابُدّ له من يوم يلقى شر عمايله= وإنّها حتى وهي في بيت ثاني ماتتوب من الشر= طلّقها بويه وقامت ضدي إتحرّش عيالها= |
المبدع صح لسانك ودام إبداعك يالمبدع |
ههههههههههههههه عقله ومناحي ومحماس ونجر حدث ولاحرج صح لسانك يالمبدع تقبل مروري واحترامي |
هههههههههههههههههههههه الله يعينكم .. والله يهدي العمة وإلا أقول الله ينصر سوريا على بشار ربطوا سيقانك ببعضها بعض .. |
الله يحرم ان معك واحده من شعب المدخل وفوق وانها ماتسكن يكن راس الاشفياتهههههههههههههههههههه
الله يصح لسانك والله هنا بدع ورد اروع وبقوه وكلمة صح لسانك والله انها قلبله |
قصيده من عيار واحد وعشرين صح لسانك ملاييييييين وما عليك شرهه تشوف نجوم الظهر من طول السيقان ههههه |
صح لسانك قصيدة رائعة
ابداع من مبدع تقبل مروري بود |
ماعليك انت اكتب القصايد وانا اطبع في البيت
حتى انزلك ديوان بكبر براطم نديم تحياتي لك ياغالي |
صح لسانك مبدع يالمبدع
تقبل مروووري |
الله عليك يا غزله
صح لسانك والعمه هذي مشكله كبيره اكبر من مشكلة سوريا هههههههه تقبل ودي واحترامي لاهنت |
الساعة الآن 07:05 PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع