يا صاحبي ما عاد في قلبك على قلبك ظمان=الصفحه اللي مبهمه لا بُدّ ما يقرونها
حيّرت جمهور السَّبَق ما ميّزوا رَبع الحصان= بسّ الأكيد انه اسرّ فكر البشر وعيونها
لو كلّ جوله له رقم... معروف من طَلْق العنان=اللي طموحه للصداره ما بيرضى دونها
ترجّل الفارس وهو عازم على كسب الرهان=وخطاك محسوبه وعالم غيرنا يحصونها
يا صاحبي ذاك التعب بيّن بوجهك من زمان=ملامحه تطغى عليك وينقري مضمونها
اشوف عقد الدمع لو غيري يشوفونه جمان=حتى ذبول الزهر في عينك حكى مكنونها
ما هي سوالف عشق ترويها فلانه او فلان= ولا همّــتك ليلى عساها ما لقت مجنونها
احساس بالغربه ملاك وحولك احضان الحنان=ثورة شعور وبعثرة فكره بسوء اظنونها
انا اشهد انك شمس هذا الكون وانوار العيان=ذوّب جبال الثلج واسقي الناس من مخزونها
تعبت في صحراك اهاجر ما لقيتك في مكان=والعين ما اتعبها السنأ.. لولا تطفل نونها
ولو ينصبون من المرايا بكل زاويةٌ ثمان=ويكسّرون الضوء ما غشوّك في عرجونها
يا صاحبي صمتك أدب لكن منطوقك بيان= واحلى سواليفك تجيني همسْ ما يوعونها

الله الله .. صح لسانك يابو هاشم

كذا الشغل البرطماني على أصوله ...

يعطيك العافيه لين تنشدق وتزيد تجيب رائعه مثل هذي ...

العلم الاخضرالعلم الاخضرالعلم الاخضر

الله الله يابو هاشم
ابداع x ابداع
صح لسانك على هذه الكلمات الجميله
راقت لي بامانه

اسجل اعجابي هنا

بيض الله وجهك