البدع: شدا الشامي=
*
أثر مفعول الدواء يتسلّط على منتضاح كون=
الله كم بدّعت بيت الشعر .. والإبداع شي ينحبّه=
وأنصلى بالنار أبو حِيله .. ومتن الدّرْك بو دهاء=
قلت خلّ الطير يتخيّر بكيفه .. يا شدا .. يا شامي=
واللي ماودّه بثوب العافية .. يارا سقمّته=
وين يغدي والحما معقود قبله والدّيَر منزوله=
مامعك منجأ وملجأ غير تعوي من كذا .. ياذيب=
المزاء يظهر على أصحاب المزاء وأهل السحاء يبدونه=
وإلا مقلوت المثايل رقّموا فيك برقامته=
مانقول إلا هلا في صرحنا يا من تداياجي به=
عدّ مايحشد على حاتم وديرة طيّ حوشدا=
**
الرد: شدا الشامي=
*
تضحكون وودّي أضحك لكن اعلى من تضاحكون=
وشدا محرز نموره .. والنمر صبح وعشيّ ينحبّ به=
الله ما داس الجهيميّة وما أتندّر كبودها=
سبحان اللي زوّدك فوق النوايف ياشدا ياشامي=
ما يزاحم للنجوم الناصحه إلا رأس قمّته=
وإيل أبو شيْول وأبو جنزير في خوف وقلق من زوله=
غير ما أعرفهم يشدّون المدايح من كذاياذيب=
كل ما شافوا هماليل المناشي .. والسحايب دونه=
يحسبونه طاح .. عُمْيان النظر .. من كبر قامته=
أنا في بالي سؤال .. وليت صقر المنتدى ياجيبه=
من هم اللي بالمعدّات الثقيلة طيّحوا شدا؟=
**

لاوالله انه ثابت وراسي شدا الشامي
قهر فيه الحضرمي وبن لادن
صح لسانك والله يهول ابليسك
ودي واحترامي

هههههههههه صحت براطمك وش ذا المنقود ؟؟؟؟ههههه

شدا مايقدر فيه الا من خلقه .. لاهنت يابن قثرود وعلم يابي علم ..

صح لسانك
شدا الشامي ونعم براسك لين يلين شدا ها متى يلين

ههههههههههههههههههه
اخاف اللي يسمعك تقول شدا طاح يشرهون عليك ...
صح لسانك وقلبك
ودي وتقديري

صح لسانك ياشدا الشامي وتسلم براطمك ســــنه