أمّا غيري فيقدر يحتمي عمره .. واللي يقدر يحتمي شكوة أمّه ينزل..

وبالنسبة لصقر الجنوب ومشهور أدرى بمصلحة منتداهم..

البدع: شدا الشامي=
*
الفروق وسوق أبو مرزوق بين الشدّة والرحمان=
ما أقدر أتقفى بمن يدعي ولا له غير حاضر وأبشر=
الجلب ننقى سمانه للمثل والحبّ من صبر=
الفراسة شيّبتنا وأبنعاصر فكر وأبنيفارس=
وأنت لو ماترمي أشباح الزمان الخالد ليرموك=
ماتطوّر خبت علْيَب من بقير الساحلي وبغوله=
والزّخن في روس حضّرنا علاجٌ كيْ زخانها=
والغروس اللي على قمّة شدا ماتنبصر في نابي=
ماسقيناها بنزح الغرب في محّالةٌ .. وأذناب=
مانعمّر سوقنا من مزرعٌ دوبه شرب وبغيره=
والذي يبسط بحبّانه مجرّد ليل وأنتهى=
خل باب الجمركيّة وأهبط البندر وساوم معنا=
هذا سوق الفتنة اللي ماسمعت إلا شغيبته=
تجرة السوق العصامي قد جلبنا للنفوذ أحسنها=
يوم بيّاعين الأسهم مابهم تقوى ولا طهران=
أنتم حدّيتم مجال السلعة اللي تنقضي برخاصة=
ونحن نغلي سعرها بالكاش ونجادح مديلها=
**
الرد: شدا الشامي=
*
قال بن قثرود في هذا المثل (بسم الله الرحمن)=
أبتدينا والله إنّه لا يعقّبنا بزلّه وبشر=
يامعين الصابرين وياموفّق كل من صبر=
أنا من يدعس على هيبة بني رومان وبني فارس=
وآنا سعْد القادسيّة للحروب وخالد اليرموك=
وآنا من يزحف على جيش التتار وعالمغول بغوله=
(الظاهر بيبرس) بعتاده على (جنكيز خانها)=
وأنتم يا الأثنين ماتاجون لقمة سايغة في نابي=
من حثالة بن سويلم .. شرذمة متعصّبة وأذناب=
طالت الغيبة ولون الغرفة غيّره الزمان بغيره=
وبْعد آعلّمك بألوان الهنود اللي لوَنْتها=
القصايد (فتل نقض) (وحبْك سبْك) (وهات خذ) فالمعنى=
مانسينا وقْعها وإن طال ولد اللاش غيبته=
من زمن (يحيى) و (نايف) لين موسم (جرحها) و (حْسنها)=
ماغفل قلبي عن (اليورانيوم) و (جوهرة طهران)=
اللهم إنّي معي صوب البحر والجوّ والبر خاصه=
حتى لو تنبح كلاب إيران ونجاد أحمدي لها=
**

صح لسانك يالمشدق
حوالينا ولا علينا وسع صدرك والا اقول لك خلك ضيقن علشان تكثر لنا من هذه الصواريخ الله يكفينا شرها ولو اني عرفت وين صابت صوووووره
تقبل مروري واحترامي

الله يكفينا شر براطمك ههههههههه
صح لسانك ياشدا الشامي لين تتفكك الصفيان

الله يهولك انفجر راسي وانا اقرأ هذي القصيده
انت مكسب وشرف للمكان اللي تتواجد فيه
صح لسانك وقلبك يالبطل
لاهنت

حسبك الله يالمجرم والله معلقه رائعه هذي تعتبر
صح الله لسانك ملايين والله يعينك حكام ايران
دبلو قلوبنا لاكن الله يفرع لنا منهم بوجودك