السلام عليكم ورحمة الله وبركاته وبعد
هذه القصيدة أقدمها لكم وأتمنى أن تنال إعجابكم ومناسبتها كانت في زواج الإبن(الملازم أول مهندس ثامر بن محمد بن هندي الزهراني)في مدينة الرياض بتاريخ 29/3/1433هـ
بحضور صاحب السمو الملكي الأميرسلمان بن بدر بن سعود وصاحب السمو الأمير سعود بن خالد وسعادة مساعد مدير الأمن العام للشؤن الأمنيه اللواء خضر بن عايض الزهراني واللواءمحمد بن عوضه الزهراني واللواء سعود اليوسف وكانت ليلة مميزة شاركة فيها فرقة الدواسر بالعرضة السعودية والسامري والمسحباني :

سلام قبل أنظم أبياتي وقبل القصيد=وبعدها ياصلاة الله على أشرف نبي
أنا حريص إني أجيب الكلام المفيد=ياسلّم الشعر حلّق للعلا وأرق بي
أهلاً ويا مرحبا مليون مرّه وأزيد=حضوركم زاد فرحتنا وهو مكسبي
حيا الله اللي لفونا من قريب وبعيد=يانفس هلّي بمن جاء حفلنا وأطربي
حنا وشمّر نسبنا من زمانً بعيد=ومن يقل غير هذا أنا أشهد إنه غبي
شمّر قبيله لها تاريخ وبها نشيد=فيهم شجاعه وجود بعوْدهم والصّبي
حنا جنود الوطن وقلوبنا من حديد=ومملكتنا فداها الرّوح واللي تبي
حكامنا آل السّعود وغيرهم مانريد=ياشمس شعّي بنورك دوم لاتغربي
الله جمعنا وجمعنا وذا اليوم عيد=ياشجرة الطيب جودي بالعطاء وأقربي
ثامر ولدنا ومن شانه لبسنا جديد=وأنا من الفرح أشوف إنه علي منصبي
مبروك لك ياعريس وجعل عمرك مديد=وعساك تبقى ذخر ياسيفنا المذهبي
ونهاية أبيات شعري وإكتمال القصيد=صلو على سيّد الكونين وأشرف نبي

صح لسانك يابو ماجد والف مبروك زواج ابنك
الله يوفقه ويجعلك ذخر لهم
وشمر قبيله من اعرق القبائل وسبعة انعام فيهم

صح لسانك وقلبك يابو ماجد
طيّب ولا مدحت الا الطيبين ولا تقدمت الأكفاء الا وانت كفو
ابيات جزله اتت من راس جزل ووافي

مبروك لثامر ومبروك لكم جميعا الجميل وانتم اهله
لاهنت

لي شرف المصافحه الاولى ولااا زال الشعر بخير وانت تكتبه
صح لسانك مدد لا عدد
وألف مبررررروك زواج ابنكم وربي تمم عليكم بخير
تحياتي يا أمير الشعر
أختك ترانيم

المشاركة الأصلية كتبت بواسطة ملك الليل999 (المشاركة 606468) صح لسانك يابو ماجد والف مبروك زواج ابنك الله يوفقه ويجعلك ذخر لهم وشمر قبيله من اعرق القبائل وسبعة انعام فيهم

لاهنت يابو أحمد وتراني بغيت أزعل عليك لولا عذرك
اللي قلت لي عليه مع العلم إنه كان يشرفني تواجدك ويعطيك العافيه على مرورك العطر

المشاركة الأصلية كتبت بواسطة سمّار (المشاركة 606474) صح لسانك وقلبك يابو ماجد طيّب ولا مدحت الا الطيبين ولا تقدمت الأكفاء الا وانت كفو ابيات جزله اتت من راس جزل ووافي مبروك لثامر ومبروك لكم جميعا الجميل وانتم اهله لاهنت

زيارتك لمتصفحي المتواضع زاده جمال وكلماتك التي كتبتها هنا أثمن من أبياتي الشعرية
صح بدنك وتعالت همتك وزاد علوّك للقمة

صح لسآنك يآ أبو مآجد وألفففففففف مبرووووووووك لأخوي ثآمر

ويستآهلون شمر كل الطيب

المشاركة الأصلية كتبت بواسطة آميــر الكـونـ (المشاركة 606478) صح لسانك أخي العزيز والف مبروك زواج الأبن ثامر الله يوفقه يارب ويجعل حياته سعيدة ويجعله قرة عين لك يعني قريب وتصير جد ياشيخ توك شباب ماشاء الله تبارك الله...تحيــــــــــــــــة والف والنعم والله بشمر أهل الجود والكرم نعم النسب .....لك مني خالص الود والأحترام آمير الكون

أمير الكون أنت أمير بكل ماتعنيه الكلمة صح بدنك
وبيض الله وجهك وترى العريس ولد أخي ولكنه مثل ولدي لاشك بانسبة للجد فابوه
صاير جد الجد تحياتي لك ورفع الله قدرك يالغالي ولا هنت

المشاركة الأصلية كتبت بواسطة ترانيم المطر (المشاركة 606486) لي شرف المصافحه الاولى ولااا زال الشعر بخير وانت تكتبه صح لسانك مدد لا عدد وألف مبررررروك زواج ابنكم وربي تمم عليكم بخير تحياتي يا أمير الشعر أختك ترانيم

عشتي يابنت الرجال الكرماء ويانسل النشاما
صح بدنك مرورك يسعدني وأنتي وافيه والله يبارك
فيك وعقبا للعزاب من العنصرين لاهنتي