|
%%% (( عبـــر الأثيـــر )) %%%
[type=538620]
خربشه تخطي وتصيب .. إن مريتم مشكورين وإن قعدت لإ ايل ابو عبّرش برضو مشكورين [/type] عبر الأثير .. البثّ حيّ ومباشر=لكن غرور الشوك ماينبت أزهار تحاول إنّك تستفزّ المشاعر=وتفكّر إنّي من تفاهاتك آغار إن قلت لك : باكر تراني مسافر=رُميت في وجه السفر سبعة أحجار وإن قلت لك : برجع وباعود باكر=ما كنّني غايب ولا كنّ شي صار ياخي ترى اللي في بطون المقابر=لا الشمس تاصلهم ولا غيث الأمطار حتى الحكي مابينهم رقم شاغر=والدار جنب الدار .. والجار فالجار لكن على قول المثل وإنت خابر=من لم تزوّد قادر يجيب الأخبار والا أنت من يوم أعرفك منت قادر=لا وجه في مقعد .. ولا كادم إستار أجيك مستغبي على قلب شاطر=ويضيع بإسلوب الغباء ذهن شُطّار ماتذكر إنّي قلت في حلم عابر=أنا على يدكم تعلّمت الأسرار إجرح.. وتلقاني على الجرح صابر=أقتل .. ولابعدي يتاما وقُصّار أحذر تكابر عند ولد الأكابر=وأحذر تجيني ريح .. وآجي لك إعصار وإلا تناديني .. وأنا أقول حاضر=وإلا تمثّل دور ..وأمثّل أدوار المسأله لو هي قصيده وشاعر=فأنا الذي تكتبني أبيات الأشعار خذ دفتري .. وأحذف جميع الدفاتر=اللي حضن شعري على صدره الحار في ذمّتي لو زرت وادي الدواسر=لأرقّص أبياتي على دَقّة الطار أمدانيَ أقلّد جُحا بالنوادر=وأمدانيَ ألعب لعبة القطّ والفار لكنّ تدري ويش ردّ المهاجر=إنّه عزيز ونازل ٍ عند الأنصار أسمع كلام المبدع أوّل وعاشر=علّقه في مسمعك حِلقه وتذكار لولا البحر .. ماكان صُنْع البواخر=ولولا الجناح إيساعد الطير .. ماطار *** |
يسعدني اني اول مره واول وحده ترد على قصيدتك يالله عطني نجمه ههه
شاعرنا المميز ... المبــــدع جمال وروعة الشعر لا يملكه الا القليل وانت منهم كلماتك دوما تجبرنا على الانصات بهدوء اسجل اعجاابي صح لساااااانك وسلم بنانك يعطيك الف عااااااااااافيه لاهنت دمت عاطرلروح والحرف تقديري واحترامي لك ..... |
أنت شاعر
أيها الشاعر وشعرك لا يشعر به أي شاعر الله يقوي شاعريتك |
المبدع صح لسانك وسلم بنانك ابيات صيغت بمهاره تقبل مروري المتواضع مع اجمل واطيب التحايا |
المبدع صح لسااانك ملايين تقبل مروري المتواضع وإعجابي الشديد |
المبدع تبحر بنا فى عالم ملىء بالألم والأمل كلمات ذات بريق أخاذ وأسلوب شعرى فريد من نوعه تحياتى وتقديرى الكبيرين لحضورك الكبير ولحرفك الشجى أحييك من الاعماق والذات ميه ميــــه
|
مبدع بمعنى الكلمه لاهنت على هذا البوح العذب وهذه المعزوفه الراقيه بكل ما فيها من روح الشعر العذب ودي وتقديري |
الأخ المبدع كما هو في معرفك والشاعر محمد الزيادي كما أحب أن اطلق عليك تعود المتداخلون أن يطلقون عبارة صح لسانك وهذه دارجة ومتعارف عليها وهنا اقولها لك أنا ايضاً،،ولكن ليست كل ماودي اقوله لك أنت شاعر له إحساس غريب وشاعرية فذّة لايمكن لأي شاعر إمتلاك مالديك من مفردات تجعل القارئ يدخل في جو مختلف ويعيش القصيدة وكأنه في أرض واقعها بيض الله وجهك |
هنا وجدنا شعر حقيقي هنا نقول لا زال الشعر بخير وامثالك يكتبونه هنا وهنا الابداع والتميز صح لسانك حد الرضا والامتاع لي عوده لإرواء الذائقه المتعطشه للابداع تقبل تحيتي وتقديري ودمت بود ترانيم |
روعة بمعنى الكلمة هنا الشهد المصفى
المبدع احييك من الاعماق رميت في وجه السفر عشرة احجار |
| الساعة الآن 09:51 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع