|
نزعل ونقنع بالحياة اليسيره
هذه من بعض مخزوننا الشعري عساها تنال إعجابكم الشعر رمز وله معاني كثيره=والصدق كلمه والوفاء محتواها نزعل ونقنع بالحياة اليسيره=والعافيه نعمه وربي عطاها أهل الغنى من قبل كانت فقيره=لكن بقدرة قادر الله غناها حضارة العالم مثال وخطيره=قامت بهمة شعبها اللي بناها أعمارنا مهما نعمّر قصيره=وارواحنا فيها دواها وداها وعقولنا تحوي مسائل كبيره=وقلوبنا ترجي وطوّل رجاها أقدامنا تشكي العناء والمسيره=ومن التعب تعثر وتقصر خطاها جور الزمن خلى الأيادي قصيره=والعين خايف لايجيها عماها عشنا نفكّر بالعمر وش مصيره=وأيامنا راحت وحنا وراها أحيان منا قد تضيع البصيره=والنفس تشكي والله أقوى قواها نبحث عن اللي ودنا نستشيره=ونفوسنا عيّت تبين خفاها لاصار مافي داخل الصدر غيره=تظلم بنا الدنيا وتظلم سماها صدر الفتى مركز همومه وبيره=والبير ياحلوه ويامرّ ماها |
الشاعر الرائع / بن هندي...تحيــــــــــــــــة
صح لسانك وعلا شانك على هذه الدرر الرائعه من الحكم ...safaqah نص جميل وشامخ بشموخ شاعرنا أبو ماجد....ووورد فهنيئاً لنا وهنيئاً للمنتدى بوجودك يالنشمي....تحيــــــــــــــــة |
ما شاء الله عليك دره من درر شاعرنا المميز بن هندي لا هنت ولا هان مغليك ابداع بسميك شاعر الحكمه تقبل تحيتي وتقديري ترانيم |
اقتباس:
لاخلا ولا عدم مرورك من هنا يشرف بن هندي وكلماتك وسام أفتخر فيه نحن لسنا مبدعين بدونكم وبدون حضوركم المتميز رايتكم بيضاء |
اقتباس:
مرورك ياترانيم يفيدني كثيراً أنتي شاعره ونقدك لمثل هذه اللون من الشعر أو ثنائك يعتبر مصدر تقدير مني وينير طريقي الشعري المتواضع لاهنتي |
صح لساااااااانك يإبن هندي يا شاعر التجربه والجزاله تقبل مروري المتواضع |
يالهجير والله إني أتعلم منك وقصايدي شيء ضئيل أمام إبداعاتك فأنت شاعر محترف في كل مجالات الشعر مرورك يشرفني |
ميه ميــــه
عجز لساني عن التعليق ووورد |
اقتباس:
يكفيني أنك مريت على مشاركتي وهذا شرف لي والوردة التي تحت كلماتك لها قيمة كبيرة عندي عشت وعاش إعجابك ياصمت الرعد وووردوووردووورد |
ابداع يابن هندي وصح لسانك ملاييين |
| الساعة الآن 07:06 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع