|
أبيااات جَرت أبيات
الرائد عبدالله بن أحمد الزهراني ( أبو أحمد ) اخ وعزيز وشاعر من بيده عرض علي محاورة اثنين من الشعراء ( بخيت الزهراني ( ابو حسام ) من بيده & وأبو سلطان السلمي من وادي ستاره) حصل بينهم سوء تفاهم حيث أخطأ صاحبنا أبو حسام في حق خويه السلمي وارسل له هذه الابيات إعتذار يقول فيها سلام وتحيه لكم حاضر ودين=سلام من بيده لوادي ستاره لديرة السلمان ديرة هل الدين=أهل المروه والشرف والجساره وآخص ابو سلطان نجل السلاطين=اللي على الطولات قد شب ناره ماقلت لك مقسوم مابيننا البين=اصحك تشعللها وطف الشراره ارض بنصيبك يالخوي يا أحمر العين=واقبل سلام صويحبك وإعتذاره فرد عليه السلمي متقبلا لأعتذاره يامرحبا بك كاش حاضر وبعدين=ترحيب وافي مثل ضو المنارة من ديرة السلمان مابه تلاوين=حتى ديار اهل الوفا والجداره وآخص بيده من ديار الزهارين=وبخيت من بيده زبون الجسارة ياصاحبي مافات مات انس ناسين=الحمد لله لاكسر لاجباره من طين مخلوقين والمرجع الطين=والخوف من نار حطبها الحجارة مقبول عذرك ياوفي عند وافين=حياك والتقدير مسك العباره وطلب مني أبو أحمد أن أشاركه برد عليهم ووعدته وأنشغلت و تأخرت عليه فأرسل لي هذه الأبيات في رسالة جوال أسج بأرض الله مدري على وين=على مدار اليوم ليل ونهاره أدور وآآدور لفحل البعارين=سمحان وين أقفى وغيب دياره والصدق لو ضيعت كل العناوين=معروف عنوانه ونعرف مزاره نفخر بمثله من شباب الزهارين=كنه علم مشبوب بأعلاه ناره جمعان بن عبدالله ونعم ملايين=هو راس مال وربح كنز وتجاره وانا على ابداعه من اللي حريصين=وهو مواعدني وانا بانتظاره فأيقنت اني تأخرت على الرجال وكان لابد من الرد فجائت هذه الأبيات ياكاتب اكتب وحي هوجاسي الحين=قبل يتحول هاجسي عن مساره ابدا بإسم منزل آيــــات ياسين=وصلي على المبعوث بأعظم بشاره أترك سطر واكتب (هلا ) بين قوسين=ترحيب (ن) تردده صم الحجاره ترحيب(ن) أنفاسه زهور ورياحين=ومعتق بورد الحجاز وثماره يسري لأبو أحمد في مسا يوم الاثنين=وصبح الثلوث يقبله عند داره أهلا هلا بك نقد ماهو ببعدين=ولاتنتظر في الصرف فسح التجاره أنا اشهد انك وافي الطبع عالدين=راعي البياض المؤتمن عند جاره أبطيت لجل أختار حرفي معك زين=وانظم قصيدي لك بأجمل عباره أمَا يصدرني مع ناس وافين=والا تركت الشعر لأهل الصداره اللي لهم في الشعر عسكر ميادين=لاعاند الهاجوس جو به خفاره سلم عليهم خص ذويلك الاثنين =من ساق عذر ومن قبل لأعتذاره ابو حسام أعطه وسام ونياشين=وخصص لأبو سلطان كرسي أماره دام الرفاقه طاح مابينهم بين=كسر الخواطر يلتقي له جباره وسلامتكم جميع ووورد |
اللي أعتذر كبير واللي قبل الإعتذار كبير ما أجمل أن تكون القلوب متصافيه متحآبًه وأنت صح لسااانك شاعر متمكن وشخص رائع وأنت طالما ألتزمت بالوزن والقافيه صارت ردًيه لماذا لم تلتزم بعدد الأبيات ؟ وتراه ماهو إنتقاد يابو عبدالله بل إستفسار ! أنا مأعرف عن الرديات شي بس إستنتاج لما أسمع تقبل مروري وأكيد ودي |
ياسلام ياسلام مااجمل ان يكون الاعتذار بين الاحبه والاجمل ان يكون للاعتذار قابليه ابوحسام ابوسلطان ابواحمد ذي يزن صحت السنتكم وابديتم فأبدعتم تقبلوا ودي واحترامي |
صحت السنتكم اثنيننكم وافين ولا هنتم ابيات ولا أروع دامت المحبه بينكم ودمتم بود |
اقتباس:
هلا وغلا بالهجير وياربي تحييه ملايين , نقد والا ماهو نقد في كل الحالات على قلبي زي العسل ويشهد الله على ذلك , ولعلمك تذكرت نفس تعليقك على موضوع قديم في مكان آخر كان عن المجاراة وطريقتها , فيما يخص ماذهبت اليه فالموضوع هنا ليس ردية قلطة تلتزم بأبيات محددة العدد , وليست مجاراة بل رد والرد يجب ان يتطابق فيه الموضوع والوزن والقافية دون مجاراة عدد الابيات , وقد كتب الأمير خالد الفيصل قصيدة من بادي الوقت , وجاراة الشيخ راشد آل مكتوم بقصيدة يامرحبا يامعنى , وهي اطول بكثير من من بادي الوقت ,,, لا أخلاني الله منك ومن أمثالك , تحياااتي حفظك الله وفقك ووورد |
دام الـــرفـــاقـــه طــــــــــاح مــابــيــنــهــم بـــــيـــــن كـــســـر الــخــواطـــر يـلــتــقــي لـــــــه جـــبــــاره صحّت ألسنتكم جميعاً على هذا الإبداع العذب ...ونعم الصداقه والله يوفقكم ويجمعكم على خير ..تحيــــــــــــــــة |
صحّت ألسنتكم .. كلكم نشاما والله .. لا هنتم تقبل مروري |
اقتباس:
هلا وغلا ترانيم المطر , صح الله بدنك وعافاك .. اسعدني مرورك وجميل مشاعرك |
اقتباس:
صح الله بدنك وسلمك شاعرنا فهد , انرت متصفحي بجميل مشاعرك , انار الله طريقك اتشرف بك وبما دونته , لاخلا ولاعدم ووورد |
| الساعة الآن 08:22 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع