لقيتني حلم والا آنا لقيتك خيال ؟=والا ألتقينا خطأ وإلا وش السالفه؟
هذي عيوني بغت صوبك تشدً الرحال=لكن صدمها صدودك وأرجعت خايفه
جيتك وأنا لي طموح أوصل حدود الكمال=لكن رجعت وكفوف الشوق متراجفه
ياللي رحيلك جريمه تشبه الأغتيال=فرقاك صعبه وبُعدك يرهق العاطفه
أكتبْك كلمه وتصبح في عيوني مقال=واشوف نفسي حبيس أفكاره الهادفه
إسكن عيوني ويصبح رمش عيني ظلال=وأسكن بقلبي وهز أغصانه الوارفه
تعال نجلس سوى لكن بدون انفعال=إشرح لي الشوق في نظرتْك وش شايفه؟
فسًر لي الدمع لا خلى المحاجر وسال=وأقنعني أفهم حديث جروحي النازفه
ولا عليك أمر جاوبني على هالسؤال=ليه أصبح الحب ضمن أوراقك التالفه
ليه أصبح الورد ياخذ رمز غير الجمال=وليه بُعدك تهبً رياحه العاصفه
لا شفتني طحت وأنهدًيت تكفى تعال=أجلس بجنبي وفهمني وش السالفه

ظلمتني انا واللبيدي بالجنان
وانت شهار كلها في راسك
ليس الا جنون الشعر والعاطفه والابداع مركزها هنا لدى الهجير
صح لسانك وقلبك
تقبل اعجابي وتقديري
وشف عاد اعجاب المجانين بجنون الشعرههههه

المشاركة الأصلية كتبت بواسطة عبدالله اللبيدي (المشاركة 410486) الهجــــــــــــــــــــــــير صح لسانك ملايين..كنت أرى الشعراء نصف مجانين ولكنني أراك الجنون كله تنكأ جروحك بيدك لترى مسيل دمك في زمن لا يعطى فيه الحب ولكن يشترى تحررنا من سجون الأسى عندما نصافح إبداعك فتجدني في صف الشاعر (الغلبان ) على قول أخونا السبيه لأن الشعر وحده الذي لم ينحني لزيف البشر أنتظر عودة فجر إبداعك وبسمة ساحرة ...وجنون أخر لك تحياتي

الهجير سيد الشعر الاصيل وسيبقى ملك المبدعين
صح لسانك اخي على روعة القصيدة

لا شفتني طحت وأنهدًيت تكفـى تعـال
أجلس بجنبـي وفهمنـي وش السالفـه

المشاركة الأصلية كتبت بواسطة علي السبيَه (المشاركة 410562) نعم هذه القصايد اللي تستحق القرائه والتأمل في كل بيت والاشاده بها وبشاعرها الذي صاغها بطريقه مذهله حتى اصبحت نجوم تتلألأ في سماء الشعر صح لسانك مدد بلا عدد ياالهجير يااستاذ الشعر

المشاركة الأصلية كتبت بواسطة ملك الليل999 (المشاركة 410571) ظلمتني انا واللبيدي بالجنان وانت شهار كلها في راسك ليس الا جنون الشعر والعاطفه والابداع مركزها هنا لدى الهجير صح لسانك وقلبك تقبل اعجابي وتقديري وشف عاد اعجاب المجانين بجنون الشعرههههه