يابو طلال الليل طول والسهر يابو طلال= وأنا معي لك سالفه وش عرضها وش طولها
ماجيتك الا عارف انك من صناديد الرجال= اللي لو ان المرجله حول السما وصلو لها
وأنا بعد مثلك من الناس العزيزين الثقال= اللي لا شافوها صغيره ماعد التفتو لها
الشعر واسمان القصايد والكلام اللي يقال= منقوضها عندي وعندك ياعلي مفتولها
ترى القصايد ما تكلفني جنيه ولا ريال=والله ما حسًبت فيها قرشها وهلولها
المقصد! ان الناقه اللي عقلوها بالعقال=يابو طلال آشوفها تضرب بغير فحولها
وحملوسمحان راس المشكله سيد الجمال= وسمحان والله ما درى عنها ولا هو حولها
اللي طموحه سهل والله ما وصل روس الجبال=واللي طموحه صعب والله ما يمر سهولها
والمجلس اللي ينعقد جاله قبول وطيب فال=حرية التعبير تكفل رفضها وقبولها
ماني من اللي يرفضون الطيب لا جاله مجال=وآقدر العالم حسب تفكيرها وعقولها
السالفه كانت هبالٍ في هبالٍ في هبال=مهبولةٍ تضحك وتتراقص على مهبولها
ياجعلها فدوة عيون اللي لها رمشي ضلال=اللي لها فتره وهي داخل عيوني زولها
شيخة حسن كتلة مشاعر كل ما فيها خيال=مادري وشنهي للقمر والا القمر وشهو لها
يابو طلال الليل طول والسهر يابو طلال=عجًل علي بالوصفه الللي ما بطل مفعولها

المشاركة الأصلية كتبت بواسطة al3n0000d (المشاركة 313053) تغنى حرفك بالجمال والإحساس الصادق طاب حرفك واستطاب وصح لسانك عدد مداد البحر

والنعم فيك وفي ابو طلال
والرجال الصناديد يصلون بهامتهم علو السحاب قدرا ومنزله
بارك الله فيك