ياجوالي الله لا يجازيك عني خير=ترجعني اعشق بعد ما اعلنتها توبه
علامك تفاجيني بنغمه ورقم غير=واسامي زمان اول بعد فيك مكتوبه
ما تدريبي اني قمت اكفر عن التقصير= وطلعت قلبي من هوى البيض باعجوبه
انا لي سنين احاول اعالج التدمير= جروح صحت وجروح في حال غيبوبه
تريحت من كثير الهوجيس والتفكير= ومن عيشة كانت شقيه ومنكوبه
رسايل صباح الورد واعجز عن التعبير=ودقي على دبدوب واصحي يا دبدوبه
وهذا يقول اعشق وهذا يقول اغير= وهذا رسم قلبه وهو منذبح دوبه
يقول ادركوني ويش ماصار ويش ايصير= ورى اربع سنين وتطلع البنت مخطوبه
ياجوالي انا ما اكره الحب والتطوير= لكني تعبت وقلبي اضناه مطلوبه
انا الي هويته راح عني مراح الطير =بروس الجبال وطبعه الصلف عذروبه
تعبت اني اروضه واسيره ويسير=عيونه عيون الصقر واسلوبه اسلوبه
اخاف اني اتذكره وارجع رجوع الزير =لحرب البسوس وثاره الي تناسوا به
يا جوال الموضوع ما يقبل التاخير=على الله تصك الخط لا ترجع النوبه
وقول ان ابو خالد نساكم بلا تبرير = وغلطته سارت عشر مرات محسوبه