بقلم ابو عبيد

اتمنى ان تحوز على رضاكم

7

7

7

7

الله خلقنا كلنا انس والجان=والله جعل للبنت نظره فريده
تحس فيها شي يجذبك فتان=حتى وهي في المهد طفله وليده
يكفي انها دايم قريبه للاحضان=من يوم تولد لين تصبح قعيده
ويكفي انها للحسن والطهر عنوان=من عهد مريم لين وقت القصيده
البنت زاد الروح والبنت بستان=نزرع به البذره ونرجى حصيده
من يحمي البستان من كل طمعان=لابد ما يثمر وتطلع وريده
البنت دره دايم الدوم تنصان=من يهمل الدره فقل شلت ايده
البنت امك يالذي فيك نقصان=والبنت امك يا ردي المكيده
والام تحت اقدامها باب لاجنان=يامن تبي الفردوس ياللي تريده
والبنت بنتك كان للبنت حقران=والبنت عزك في الليالي الشديده
والبنت اختك يالذي دوم سهران=ما بين شات وشات ترقب لصيده
راجع لنفسك يالذي دوم تيهان=والدين تكفى لا تفكر تزيده
هذي نصيحه قالها قلب شفقان=للي غواه ابليس واحكم لقيده
واخر كلامي كان للطهر عنوان=اسجله للبنت باعلى الجريده

المشاركة الأصلية كتبت بواسطة شاعر بالمفضل (المشاركة 343851) صح لسانك يا ابو عيد ولا شك بأن لولا المرأة بعد الله لما كان للرجل وجود ابدعت واتقنت واقولها بكل صراحه رباع اكتسبت شاعر يحكم القصايد ويطوعها فمبروك لرباع هذا الابداع وهذا الادب الجم .. بيض الله وجهك وفي انتظار جديدك

المشاركة الأصلية كتبت بواسطة الهجيــــر (المشاركة 343869) صح لساااااااااااااااانك يابو عبيد ابدعت في كل كلمه

الابداع هو حضورك المشرف يابو محمد


لا هنت

المشاركة الأصلية كتبت بواسطة همسة شوق (المشاركة 343950) صح لسانك وكلك على الابداااع والتميز قصيده مليئه بالمعاني بجد كل بيت احلى من الثااني حييل اعجبني يعطيك الف عاااااافيه على ماسطرت هنا باانتظار جديدك الراائع دمت ودامت انفاسك وعروق قلبك... يعافيك ربي ...لاهنت.. تقديري ....//

همسة شوق
تشرفت بهذا الحضور العطر
صح بدنك واتمنا ان اكون عند حسن ظنك

تحياتي

المشاركة الأصلية كتبت بواسطة almooj (المشاركة 343977) أبو عبيد : صح لسانك مليااااااار وتلريوووووووووون ، ولا يكفون بعد ، والحقيقة مثل ماذكرت هؤلاء هم أخواتنا وبناتنا وأبناءنا أمانة في رقابنا نحميهم وندافع عنهم وهم الأم والبنت والولد والشباب والشابات ، سلمت أخوي أبو عبيد .

صح بدنك 2 مليار يالموج

اتمنى ان اكون ارضيت ذوقك يالغالي

لا هنت