|
وجه السحـــاب
ياللي زرعت البعد لا تنشد عن أسباب الغياب=وشوف حال الأجوبه يـوم أنهكتهـا الأسئلـه الصاحب اللي حط لي في صدته لـذة عـذاب=أشتقت له وأشتاق لي واشتاق لي وأشتقت لـه لو سيف أبو زيد الهلالي تكسره شلفـا ذيـاب=يمكن أقول اني مسكـت اول خيـوط المهزلـه تعبت وآنا في رجى الامطار يا وجه السحـاب=صدري يبـس بالله ياوجـه السحـاب تـبلله تعال قرب شوف قلبي في غرامك كيـف ذاب=ترى فراقك حمـل والله مـا قـدرت أتحملـه خذ دمع عيني حبر تكتب به وخذ صدري كتاب=ابغـاك تكتبنـي محبـه ثـم تقرانـي ولــه فتحت لك بيبان قلبي كل أبوها بـاب ! بـاب=والحين أفكر فـي غيابـك كـل بـاب آقفلـه تعال شوف البعد كيف يحول آمآلـي سـراب=وشوف كيف آخذ حضورك بالحضـن وآقبلـه البعد هـم وملعنـة خيـر وضيقـه واكتئـاب=والقرب فرحه من ورى حدب الضلوع مكبلـه لا صرت مجرم حب تلقاني معك يوم الحساب=واقول أنـا حرمـت بعـده بـس هـذا حلله أما تجي توقف معي والا مع وجـه السحـاب=وجه السحاب اللي يبس صدري وهو مـا بلله |
يا عـوافي والله
|
الله الله مبـــــــــــــــــــــــــدع ما شاء الله عليك تملك الثنين العذوبه والتصوير يعني ما فيك حيله صح لساانك ولا هنت والله لا هنت احترامي |
أعز أنسان
أشكرلك مرورك العذب |
بدويــــــــــه
شكرا لمرورك العطر وكلماتك العذبه لا هنتي |
|
ابداع وتمكن وعزف منفرد صح لسانك ملايين ياالهجير
|
د.ليل الوعد
أشكر لك مرورك العذب |
على السبيه
اسعدني تواجدك لا هنت |
لا جديد سوى الابداع يزيد
|
| الساعة الآن 03:14 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع