من مبدأ ماني بطل بس في الحقيقه مكره=قمت أقلب في ثنايـا أوراقـي المنسيـه
قبل لا قلبي على كبـره يخونـه صبـره=قلت بعطي قسوة غيابك صفـه شرعيـه
كنت أقول السيل ما يبطي بـه الا كبـره=أثر سيلك ما بطى به غيـر قـل النيـه
كل مانخى حظي العاثر عطاني ظهـره=آه لو تدري غيابـك ويـش سـوى فيـه
في صدري مثل اللهيب وفي خفوقي جمره=استباحـت كـل مافينـي بـلا حنـيـه
والحزن مصبوب وسط القلب قطره قطره=ما ترك فرصه لقلبـي يستريـح شويـه
هدني طاري فراقـك وأخنقتنـي العبـره=رغم أنف الكبريـاء وقـوة الشخصيـه
لو كتبت الشعر جـات القافيـه منكسـره=وصرت أحس ان القصايد كلهـا مرثيـه
لو تعذر لي غيابك قلـت باقبـل عـذره=كـن دقـات الخفـوق تقـول يالله حيـه
لين يحظني وجودك وأرتمي في صـدره=وارتوي وأشبع وأعيش احلامي الورديـه
ماجتمع في قلب مخلوق الوله والحسـره=لين صارت نظرتـه للكـون سوداويـه
أوعد همومي ببشرى رجعتك من بكـره=خلها تبقى ورى ظهـر الزمـن مرميـه