(من اوّل) همومي في حياتي خفيفه=وذا اليوم صارت فوق راسي كثيفه
وش الحلّ دِخنا مالقينا وظيفه=نغني مع العالم ونشكي على الله
(من اوّل) حلمت احلام واجد واماني=وذا اليوم كلـّن راح وآنا مكاني
عشان القدر ياناس والاّ عشاني=نغني مع العالم ونشكي على الله
تفكّرت في الدنيا وزاد اعتباري=وصار الصبر حكمي وهذا قراري
مادام انّ بعض الناس ماهوب داري=نغني مع العالم ونشكي على الله
ومابين نظره خاطفه والتفاته=يموت الكدر وتشاهده في وفاته
أو انـّه يلحّف عيشتك في عباته=نغني مع العالم ونشكي على الله
مادام البسيطه تحت رب البريه=فانا من مقادير الزمن ماعليّه
هذاك الصمد بامره تهون الرزيّه=نغني مع العالم ونشكي على الله
على الله ياقلب المعنى على الله=ترا كلّ خير ٍ جاك رحمه من الله
وكلّ الذي عنـّاك من حكمة الله=نغني مع العالم ونشكي على الله

احساس صادق وقصيده رائعه وشاعر كبير
واخلاق عاليه
ماذا بعد اكتمال الروائع
الا نقول بارك الله فيك
لك مني اسمى تحيه
دمت بخير

صح لسانك ملايين استاذي أحمد مطر

ونعم بالله أعجبتني كثيرا نهاية القصيدة

لله درك من مبدع