دق جوالي ! هلا ! للحين ما كملت نومي = قالت أحسن نام ! أصلا نومة الضالم عباده
قلت لا ! لحظه ! قسم بالله شفتك في حلومي = قالت أدري بك من الأشواق كبرت الوساده
قلت بكره لا تقابلنا تجيك آخر علومي= قالت آنا آخاف لا تنسى ترى النسيان عاده
قلت كيف انساك وأنتي ليلتي وأطراف يومي = وانتي اللي في الهوى خذتي على غيرك رياده
المهم انا تقابلنا بحد آخر همومي= قلت باترك باقي السهره لقلبي واجتهاده
قالت آمر وش تبي قلت احتفالا في قدومي ؟= قالت اقصد قهوتك قلت ايش ؟ قالت بس ساده
قلت ساده ! قالت ادري بس لا تشر وتومي = قلت ساده لا نطقتيها تجي سكر زياده
يا دفا الأحساس ليش تكثر عتابي ولومي= شف تفاصيل المحبه حول حبات القلاده
الوكاد اني جلست وكانت عيوني خصومي= وان طرى لي هاجس الغلطه قتلته في مهاده
قلت هات ايدك وقالت وين قلت الصبح قومي= قالت أدفع مانت رجال ولكم حق السياده ؟
ابتسمت وقلت طيب عطرك اللي في هدومي ؟= قالت أعتبره حنين الحزن لدروب السعاده
بعد ساعه دق جوالي وأنا في عز نومي= ما رفعته وأعتبرت النوم للضالم عباده

كسروا لحيك يازهران هويه ماصبرت نهار ولا اثنين خليت ذيك الضعيفة معيه تتمتع شوية

لك الله ان نومك عبادة صدق

المهم صح لسانك والله يسعدك دنيا وآخره يامبدع زيادة

المشاركة الأصلية كتبت بواسطة علي السبيَه (المشاركة 307846) مبدع يازهران صح لسانك وعلى شانك يافارس الشعر

المشاركة الأصلية كتبت بواسطة همسة شوق (المشاركة 307847) ابيات في قمة الروعه والجمااال والابدااااااااع وروح القصيده هنا من نوع ولكنه لايجيده سوى المبدعين صح لسانك مليار وتكرار على الابداع والجزاله والفكره والمضمون روووعه من مطلع القصيده الى اخر بيت فيها بجد امتعتني شعر تقبل اعجابي ومروري المتواضع تسلم يمناك .......يعطيك العافيه ../ لاهنت....//