|
قلي صبح الشعاع اللي طعن ليل العناد وراح
ارجو ان تقبلوها بعلاتها وتواضعها
صباح الخير ! قلت الحمد لله وش صباح الخير = قلي صبح الشعاع اللي طعن ليل العناد وراح قلي صبح الفراشات الجميله والندى والطير = قلي صبح الكحل لا سال من خد الحبيب وساح هلا بك كثر ما صارت حياتي في وجودك غير = هلا بك كثر مافي القلب من هم وتعب وجراح مع هيبة حضورك كن في صدري حوادث سير = الى قامت شراييني تهلي بك وريدي طاح أنا ماني بخير وزارني حرفك وصرت بخير = على ضفة حنينك قلبي المنهك جلس يرتاح أمانه لو جفاني الشعر والا خانني التعبير = خذي حزن السنين وذوبيه بعطرك الفواح أنا مهما كتبت من الشعور أحس بالتقصير = وأحس اني سريتك في ظلام ولا معي مصباح انا جهزت لك دلة غرام ولا أقبل التاخير = تعالي وأشربيها لا يفوتك هيلها لا فاح وانا بجلس هنا واحاول القى للغلا تبرير = وبسأل كيف عينك نهل صافي والرموش رماح صباح الخير ! طيب ليش ما تصبح مساء الخير ؟ = عشان آعيش نكهات الكرز والتوت والتفاح |
روعـه
عساك سالم |
زهران : صح لسانك ولا هنت يالغالي ، على ما تخطه يداك من الروائع الشعرية الجذابة .
|
اقتباس:
وأنت سالم |
قسم بالله اني احسست بنشوه شعريه الى ابعد الدرجات قسم بالله انه من أجمل النصوص التى قرأتها خلال زحمة المنتديااااااااااات ياسيدي انت كتلت أحاسيس مدري كيف جيت في بالي كلام كثير لكن مدري وش اكتب بمكن لأني جفاني الشعر وايضا خانني التعبير * أعتقد الشطر الثاني من البيت الاول والبيت الثاني كلمه ((صباح)) في خطأ إملائي والله العالم تقبل مروري وركوع ذائقتي إعجابا امام هذا النص الشعري |
ابدع لا يضاهيه ابداع من صاحب الابداع ومنهله الذي لا يجف
صح لسانك وعلى شانك ياشيخ زهران يافارس الشعر |
|
اقتباس:
الروعه في تشريفك لي لا عدمناك |
اقتباس:
قسم بالله انك كريم أخلاق ومشاركاتي تبقى ناقصه لين تشرفها جعلني ماعدمك لا لا صبح وان كان في راسك شي قابلني عند المفرق !! |
أنا ماني بخير وزارني حرفـك وصـرت بخيـر على ضفة حنينك قلبـي المنهـك جلـس يرتـاح وش سالفة هذا البيت يازهران ياعيني على رسائل الصباح صح لسانك تصوير رائع عسى الله يوفقك |
| الساعة الآن 09:29 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع