مصيبه لاتنفسني حبيبي ثاني الاكسيد = خنقته والصحيح انه خنقني يوم يزفرني
بعد ماكنت له اكسجين الكون بالتحديد= يفاجئني يقول اتنفسك وانته تعكرني
دريت ان الفراق اقوى قريب منك وانت بعيد= عجزت اصبر مادام انك عجزت بشوق تصبرني
يقولون الصبر مفتاح واللي زادها تأكيد = عجزت القى له المفتاح بيبان ً تعبرني
انا ويني به الايام ماقد ذقت طعم العيد= مع اني صايم ً طول الزمان ومن يفطرني
على حبك بديت الصوم وبفطر في فراق الجيد= وبتقهوى من كفوف الزمان اللي تمررني
يصبح غيمي البسطه ويمسي ليلي التنكيد=وتتلاعب مساراتي مع نجم ً مهاجرني
وذيك الريح ما تقوى تحرك ساكن التبليد = وذاك الشوق ما يقوى كسورً فيك تجبرني
انا لامات حبي ما اشيع خافقه تقليد = حرام اني لخلي ميت الاشواق يحضرني
كذا يعني مصيبتنا ولا ادري منهو الاكسيد = ولكن لاتنفستك اكيد انك بتقبرني