التويجري سب وعايض القرني يرد
 

هذي قصيدة لشيخ عايض القرني رد على التويجري
عندما تطاول على اهل الجنوب .....
*****************
أقول يا من صاب عقله هبالي
يومك وصفت أهل الجنوب أنت غلطان
رميت رمية مثل رمي الخطالي
وأخطيت بالرمية ولا صبت نيشان
ما تدري أنه عيب شتم الرجالي
اللي على كسب الطويلات شجعان
والله ما يقبل كلامك شمالي
يدري بعادات القبايل والأعيان
ما أدري على ويش الكبر والتعالي
ياشاحذ الأموال من كل سلطان
فقران تشحذ درهمه والريالي
متسول وتقول يا ناس جوعان
ليتك سكت وكنت لاهي وسالي
لكن على نقصك تبي زود نقصان
جنوبنا في كل شي مثالي
دار الشرف والجود من سالف أزمان
وأحنا الجنوبيين عز وجلالي
ترخص دمانا ما نساوم بالأوطان
بالعلم والتدريب طلنا المعالي
فالهندسة والطب والجيش مليان
والشعر فينا له حضور ومجالي
عرضة و ردية و طاروق و ألحان
أبدى من الطايف و أشد الرحالي
من باحة الأبطال غامد و زهران
والجو في سبت العلاية صفا لي
أهل الشيم بلقرن و خثعم و شمران
و أحلى المناظر بالنماص الخيالي
موطن رجال الحجر لابة و شيخان
وعند أهل بيشة جود من تمر حالي
أكلب و بلحارث و صبيان شهران
و ابها تباهت بأهلها والجمالي
عسير و أصحاب النواميس قحطان
و الفزعة اللي كم تشد أنذهالي
فزعات يام أهل الشهامة بنجران
و أحسب و لا أنسى لو يطول أنشغالي
أهل القضا والفقه أشراف جازان
و اللي نشد عني و عن وصف حالي
خذ الخبر ما دمت واله و شفقان
أنا من آل عبيد عمي و خالي
بلقرن لي عزوة و مرجع و عنوان
دون الجنوب أفقد جميع أحتمالي
و أثور من أجله كما ثور بركان
دام الحمية عندنا ما نبالي
لو صار في ذا الوقت رجفه و ميلان
هذا جنوب العز ماضي و تالي
لو تحقره يا اللاش عالي و لا هان
و الختم أبي تقرا و تفهم مقالي
إن كنت للمعنى نبيه وفهمان
خل المهأيط و الكبر و التعالي
و أحذر تسب أهل المراجل بنقصان

اشكرك عل النقل اخي

يعطيك ألف عافية

جابر
يعطيك العافيه
بس ودي أسأل هذي القصيده كامله للشيخ عايض
أو لياسر التويجري

سبحانك اللهم وبحمدك ، أشهد أن لا إله إلا أنت أستغفرك وأتوب إليك

يعطيك العافيه أخوي جابر
ولو اني أأيد كلام أخوي بن سلمان الشيخ عايض أكبر من هذا المستوى
وبالمناسبه عندي قصيده نظمتها بخصوص ياسر التويجري نُشرت سابقاً إنشاء الله أنزلها اليوم في المنتدى
وتقبلوا تحياتي....

الله يعطيكم العافيه يا اخوان وخاصه ابو سلمان انا قراته من احد المتديات وجيت اتهبد بها استغفر الله العظيم وانا اسف