نزلت في سوق الثلاثاء بغيت اشري عتاد=
ماردني غير البطل والمخضرم والسديد=
يقل على مهلك يبان القديم اولان ضر=
من البضاعه البايره والدنا ما باح صين=
والتاجر اللي ماسكنها يصرف ادعايمه=

ماينفع الظلام في ساعة الحشري عتاد=
لو كان عنده مال قارون ماهو له سديد=
في يوم ماينفع به المال لو حد النظر=
والعلم ياجار الله لاجاك من مربا حصين=
خذه ومد البحر لاجار صرفد عايمه=

يامرحبا ياشاعرن جاء بمردودن وكاد=
يقصد ولكن ماتعمد في المعنى عميد=
بعد ندور في علوم المنادى والخبر=
اما وجدانا العلم في غبته والا فدين=
نرده اعلى كل طارووق مايمسي لمه=

لك البقا يالشاعر اللي رماني من وكاد=
مالي من اللي جا برتبة مقدم والعمبد=
اعرف شواذ بشط جده وفي شط الخبر=
الشعب ياجار الله ماجو مثيل الوافدين=
لاتقلب الموضوع والشد لي يامسيلمه=

طيب طيب

كلام ينعد وينقال صحت السنتكم يا النشاما

الله حمانا من كلام الخلايق والبلاد=
بعد ندوركم ونعرف حديد من حديد=
ونكتشف ترمون في فايده والا بشر=
نحن على كل الدلايل نكون امواطنين=
ونزرع اغصون الشجر في الرياض العاصمه=