|
((( ملك الليل ))) و ((( المبدع )))
الله يصبح ويمسيك بالخير يابو ساق ههههه شرفنا بردك لاعدمناك سلام باسم الود للشاعر المبدع= على جناح الطير بالخير مرسوله= ياطير قل له مثلكم شاعرً غالي= واخذ مكانه عاليه عند حبانه= |
الله الله شغلك قطااااب يابيه .... البقاله فاضيه مافيها حد ....انا بارقب لها لاتخاف ..بس خلّك مع المبدع الله يحفظه |
صح لسانك ياملك الليل ابدعت
ننتظر المبدع ليكمل الابداع |
سمار تسلم ياشيخ وانتبه للبقاله لين اعود ههههه الشامان صح بدنك يالغالي لاعدمنا تواجدكم يالنشامى |
اقتباس:
مرحبا ملاييين ببرطمان الأوسط ههههه .. صح لسانك ملاييين حبيب ومقرّب إلى قلبي وعلم يابي علم الله يجملنا منك ... والبقاله حط شد وابوسند فيها لين تعود ..عز الله البراطم ماينبدا بها لكن الجود من الموجود ههههه الرد : الزيادي= ** أهلين .. والإبداع للشاعر المبدع= لو ما حبال الفتنه ماهيب مرسوله= كلٌ يناديني بصوته ويلغى لي= اللي هبط.. واللي بسط عند حبانه= ** |
سمار حبيب قلبي لاهنت ياغالي ولاعدمت وجودك الشامان فديت خنافرك على المرور ولاهنت ياغالي |
الحق البقاله يا ابو احمد سمار سرا بعلب البرنقلز ... يحسب انها تطول الشوارب هههههههههه
بدع :: رائع من مهند س الكلمه وسريع البديهه ملك الليل رد :: ولا احلى من ابو الفن ومصدر الابداع الشاعر الفذ اللي تغنو فيه حتى شعراء العراق حين قالو (( شقول عنّك شقول ... نص وجهك عيون )) انه الشاعر الفذ المبدع ههههههههههههههه تراني ما نسيت سبل الطليان هنا قارعه بنكهة العافاريت تقبلو تحياتي تحيــــــــــــــــة |
صح الله لسانك يابواحمد وصح الله لسانك يالمبدع
كلام كلام ..... بالتوفيق لكما |
صحت الاللسنه وتعافت الابدان ودي واحترامي |
ملك الليل انت شاعر كبير ولك مكانه مرموقه بين الشعار وهذا الكلام مايختلف عليه اثنين
مبدع بكل ملتحمله الكلمه من معنى الشاعر الكبير المبدع انت غني عن قولة صح لسانك شاعر لك مكانه عاليه جدا ولاحد يخالف ما اقوله وشكرا للجميع |
فارس الزهراني ابو يزن الشامان صحت ابدانكم وقلوبكم تواجدكم يشرفني واطرائكم تاج على راسي لاعدمناكم صح لسانك يابو ساق ههههه الوادي اللي قبل الاعيان متصدع= ماظن يحجب عيب صدعه بنا 00دوله= هذاك وحده وانت وحدك وانا الحالي= والحق في صوتً موحد يداوونه= |
الله الله .. صح لسانك يابو أحمد بدع برطماني ههههه الرد : الزيادي= ** ود الخبر للي مزكّم ومتصدع= لايشتري ليمون والا بنادوله= جبنا عياده تخلط المرّ والحالي= واللي مزكّم والمصدّع يداوونه= ** |
طيب طيب ماودك تمر العياده تجبر سيقانك ههههه الفلم في تونس ومتكرر المقطع= صوت الشعوب اقوى ولو طالت الجوله= ان قلت مالي فيك حاجه وانا مالي= الموت بارقاب الخلايق يمر هونه= |
هههههههههه عندي عملية تجميل لبراطم شدا وأبو سند ههههه الرد : الزيادي= ** معذور لمّا تقطع الوصل يوم أقطع= ماكلّ طيرٌ لانفر يصلح الجو له= لكنّ لوآفديك بالنصف من مالي= روحي لمثلك بالمعاريف مرهونه= ** |
طيب طيب ياشيخ سرى الليل ههههه بشار ما اظنه بصيرً ولا يسمع= ولا خذا العبره براسه بمن حوله= بعد يطيح وينتهي عصر الاهوالي= والكل يتناسى نفوذه وقانونه= |
صح لسانك ملايييييييين ....ضحكة خنفشـارية الرد : الزيادي= ** بعض العرب من غير طاري .. ولايُسمع= من جهده اللي مايجمّل ومن حوله= جانا بلا والي وعيّنت له والي= يخرج عنه طولة لسانه وقانونه= ** |
يابرطمان فديت براطمك نكمل بكره تنفّخت سيقانيه من النوم ههههه |
صحت السنتكم وبيض الله وجيهم يالمطاليق ......... |
ههههه حتى انا تنفخت براطمي من النوم انما هذي الاخيره ووقت مترد عليها تشرفت بمحاورتك يالمبدع شاعر عملاق اكيد سيقان طويله وثوب قصير ههههه بعد نشوف اعداد مادام طاح اربع= نفس الوجيه وكانها تقسم الفوله= والبيت الابيض يامتى نبصره خالي= والحج من دون العساكر يحجونه= |
الله الله ..علم يابي علم وصح لسانك ملاييين .. والشرف لي بمحاورتك يالغالي وتقبل ردي اللي تقول ( شُرْبة براطم ) هههه الرد : الزيادي= *** أنا على من هو تردّى وطاح .. أربع= في مجلسٌ جذّاب للناس .. وألفوا له= واللي عريب الجد والعم والخالي= لو خالط (المستعربين) أبيحجّونه= ** |
والله إنكم دواهي .. وصحت ألسنتكم يا النشاما برطمان الأوسط و أبو سيقان .. لاهنتم تقبلوا مروري |
المبدع اسم على مسمى صح لسانك وسيقانك ههههه ابو كثه صح بدنك وجهك ابيض يالنشمي تشرفنا وسعدن بتواجدك لاعدمناك برطمان الاكبر شدا الشامي صح بدنك وماعنك زود وكلنا مكملين لبعضنا سعدنا بتواجدك لاعدمناك اشكر كل من شرفنا بمتابعته ونتمنى ان نكون قدمنا مايرضيكم |
العلم السعودديالعلم الاخضر قارعه ولا اروع الله يبيض وجيهكم .. شعراء كبار ولا فيكم حيله .. تقبلو خالص الشكر والتقدير
|
وجهك ابيض يابو سند وما عنك زود كلنا مكملين لبعض والهدف نطلع بمحاوره طيبه وممتعه للجمهور سعدنا بتواجدك لاعدمناك |
| الساعة الآن 05:47 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع