|
اللي يبي المحاوره يتقدم للتحدي
الشامان ودي نتسلى شويه الله يحفظكم ويرعاكم
سلام لهل المنتدى والتحيه= من شاعرا كلاًيقدر مقامه= خلووووووووووووووووها= ودي مع الشعار ناخذ شويه وكل واحد بي يثمن كلامه= |
اقتباس:
يامرحبا ونقول يالله حيّه=أهلاً بمن جانا يقدم سلامه جيتك ولي في ساحة الشعر نيه=والكفو والله مايضيع إحترامه |
الله ......الله بدايه جميله لمحاوره راقيه إن شاء الله ...صحّت ألسنتكم يالنشامى . |
الله الله رد مميز من شاعر مميز تقبل تحيتي ودمت بود ترانيم |
ياهلا بالجميع مروركم زادني ثقةً بالنفس اشكر لكم الكلمات النابعة من القلب والتي أضعها على راسي تقديراً لكم: ولكن وين الشامان يقول وين المتحدي ولاعد شفناه |
صح لسانك يابن هندي وكلامك مثل الذهب المصفى
شوف الساعه كم نزلت المحاوره ولاشفت احد ولكن المثل يقول لاباح البندق ولاباح الرصاص اليوم انشا الله لنا لقاء باذن الله فالك التوفيق اشكر كل من تابعنا هنا ومر وعلق على الموضوض |
يسلام ياسلام الشامان بن هندي الله يسعدكم ويبيض وجوهكم ولا يهمكم استمرو والله يالزين انه يفرض نفسه وغصب عنا متابعين ويشرفنا ان نتابعكم ونستفيد عاشو عاشو استمرو والله يوفقكم |
صح لسانك يابن هندي 000000وتحيه لكل من مر هنا
بك البقا يوم انت رحبت فيه= ربعك من اهل الجود واهل الشهامه= خلووووووووووووووووووها= وانتم رجاجيل الشرف والحميه= وجودكم بين العرب له علامه= |
الله الله عليكم متابعين لا عدمناكم انا بصف شاعرنا بن هندي ولا هان الشامان =الشامان سلام لهل المنتدى والتحيه=من شاعرا كلاًيقدر مقامه ودي مع الشعار ناخذ شويه=وكل واحد بي يثمن كلامه =بن هندي يامرحبـا ونقـول يالله حيّـه=أهلاً بمن جانا يقـدم سلامـه جيتك ولي في ساحة الشعر نيه=والكفو والله مايضيع احترامه =الشامان بك البقا يوم انـت رحبـت فيـه =ربعك من اهل الجود واهل الشهامه وانتم رجاجيل الشـرف والحميـه =وجودكم بين العـرب لـه علامـه |
حياك الله وحيا من مر وكتب ولو حرف واحد والله لايهينكم هذي عوايدنا وواجب عليه=ومن مشى بالطيب يبلغ مرامه الشكّ زايل والخواطر صفيّه=ونحن سوى والكل يحمي مقامه |
صح لسانك يابن هندي شاعر كبير ومتمكن ارف لك عقالي احترام لمقامك
حيالله ابن هندي لاتروح بعيد |
تحياتي يابن هندي وتحياتي لكل من مر من هنا انا معي لك يبن هندي هديه= ان كان خت الجائزه والزعامه= خلوووووووووووووووووووووها= والعيد اشوفه قد ظهر من عشيه= لكن والله ماعليك الملامه= |
ابن هندي والشامان ، صحت السنتكم ويعطيكم العافيه |
الف شكر ياحسن القرشي على المتابعه
|
طيب طيب صحت السنتكم وترانا ماسكين الصف لعبببلعبببلعبببلعبببلعبببلعبببلعببب |
الله يحييك ياملك الليل مدري وين راح بن هندي
|
اقتباس:
أسف تراني أنشغلت مع ترانيم وأنت شفت وشاهدت ماصار الله لايسفهك يالنشمي هديتك مالامستها يديّه=ولا عرفنا بشت وإلاعمامه والعيد من عيّد نقل ياهنيّه=واما أنت قد قلناعليك السلامه |
صح لسانك يابن هندي والحقيقه جرت محاوره بينك وبين رنيم المطر محاوره من الطراز الاول
والعيار الثقيل وانتم شعار كبار ولافيكم حيله وانا البارح من جمهورك خذلك معي فالدرب روحه وجيه= خايف عليك تعض كف الندامه= خلوووووووووووووووووها= عرفت بن هندي ولافيه زيه= ولا زعل قلبه يزيد انتقامه= |
اقتباس:
بيض الله وجهك وأنت وافي وقدرك مرفوع على راسي وحنا لازلنا نتعلم في الحياة والله يقدرنا على تقديم الطيب من القول والعمل لاهنت أنا معك مادامت الشمس حيّه=وخصمنا مانلتفت ل إتهامه ماقلت لك وافق ولا قلت عيّه=وكل واحد ينحكم ب إلتزامه |
اقتباس:
الله الله سرى الليل وحنا ما سرينا العلم الاخضرانا بصف كبيرنا بالشعر بن هندي العلم الاخضر ولاهان الشامان تحيتي |
صح لسانك يابن هندي انت شاعر كبير
البارحه سريته رومانسيه= واثر ابن هندي ماتهنا منامه= خلووووووووووووووووووووها= ترا الخطا يحسب بمية خطيه= الرجل دايم يحتفظ بالكرامه= |
اقتباس:
شامان أشوفك صرت تشره عليّه=أنا جميل ولا نقصني وسامه ماخطيت أنا حبيت من طيب نيّه=وأحب من حطت على الخد شامه |
صح السنتكم
شاماان رائع ومبدع............ ابو ماجد ...............خااف الله فينا ياشيخ....... ماخطيت أنا حبيت من طيـب نيّـه..وأحب من حطت على الخد شامهغمززززة |
صح لسانك يابن هندي ياكبير
حبيت من حبك بلا جاذبيه= لوكان صابت وسط قلبك سهامه= خلووووووووووووووووووووها= علاج مجنونك في الصيد ليه= تعالجه والا تداوي سقامه= |
اقتباس:
صح بدنك يالغالي وحنا هنا للتسليه والإستفاده حبيت أنا ياشيخ زين البريّه=غرّد ياقمري وأرقصي ياحمامه شف بندقي فاليد والصيد ليّه=أصيد شيهانه ولا أصيد هامه |
ابن هندي ماقصرت وفيت وكفيت لكن التكرار مايجوز الا ان كان ظاقت عليك
غير والسعه في جال الله تشرفت بمحاورتك الله يوفقك وبكره نفتح متصفح جديد ونتقابل انشا الله |
اقتباس:
مشكور والله يعطيك العافيه أسف جداً على التكرار من دون قصد لأني ما اراجع الأبيات وكلامك على عيني وراسي والقارعه ماضاقت وإذا تحب تواصل مرحبا مع العلم أنني عدلت المكرره مع شكري الجزيل |
الشــــــــــــــــــــــــــــــامان بن هنــــــــــــــــــــــــــــدي ماشاء الله عليكم مبدعين لا هنتم محاوره ولاااا أروع تقبلوا تحيتي وتقديري ترانيم |
صح لسانك يابن هندي انت شاعر كبير ومتمكن
الفارس اللي بي يقود المطيه= قاد المطيه والجمل في خطامه= خلووووووووووووووووووووووها= والصيد يبغي ناساً ابوارديه= والصقر ماهو مثل طير النعامه= |
اقتباس:
صح بدنك والكبير الله وياجعلك سالم قدنا صغيرة سنّ هي والثنيّه=ومن رفع راسه سحبنا خطامه الصيد لو هو في جبال(ن) عنيّه=رماه بن هندي وسدد سهامه |
ونعم بفارس مايهاب المنيه= وكثر غلطاته بكثر اهتمامه= خلووووووووووووووووووووها= اخاف بي ينقدكم النقدويه= والفلم والتمثيل غير درامه= |
اقتباس:
مرات تمدحني ومرّه متيّه=والزين مبهرني بلمعة زمامه إللي نقد جعله لروحي لويّه=وعساه باوجاع(ن)تكسر عظامه |
الشامان
بن هندي صحت السنتكم على هذا الفتل والنقض والشغل الكايف |
صح لسسسسسسسسسسسسسسسسانك يابن هندي
النقد ماهو عيب ف الملتويه= وانا بوفي قولنا والتزامه= خلووووووووووووووووووها= تجارتك تقليد والاصل ليه= ترا الذهب بي يختلف من جرامه= |
اقتباس:
النقد بعضى أحيان يحسب جنيّه=والشعر قد وصّلت ذروة سنامه ألماس تجره للرجال الثريّه=وغيرنا مالفقر مايوم سامه |
صح لسانك يابن هندي الله يسعد فلبك
عندي بعد في جعبتي خمسميه= واماابن هندي غشني في ذمامه= خلووووووووووووووووها= الزود والنقصان للبهلويه= وانا كلامي بالوفاء والتمامه |
طيب طيب نصبحون على خير وبكره وخير
غييييييييييييييييييييييييييييييييييييييييييير يابن هندي |
ماشاء الله عليكم رائعين تقبلوا تحيتي وتقديري ودمتم بود ترانيم |
اقتباس:
وش فيك أخاف إنك فقدت الهويه=دوّر عليها في طريق الثمامه الزود لي والنقص ماهو بليه=وإسمي كتب فوق السحب والغمامه |
ابن هندي انت رمز من رموز هذا الصرح الشامخ ولك مكانه فالقلب قبل كل شي
وانا تشرفت بالمحاوره معك وانا والله اني فخور بهذا الشي جعلك تسلم يالغالي تقبل احترام وتقدير اخوك الشامان //////////////////////////////////////////////////////////////////////////////////// |
| الساعة الآن 08:00 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع