|
بعثرة قلب
اقبلوها بعلاتها وكرمكم
في غيبتك مانيب بس حاير ومهموم وحزين=الا حطام وبعثرة قلب وجسد من غير روح إنتي رحلتي ! طيب أبغا أعرف تركتيني لمين=يرضيك قلبي تتركينه للشتات وللجروح تحطمت في داخلي كل إبتسامات السنين=وضميت صوره في غيابك داخلي عيًت تروح صدري غدا مستعمره والبعد محتل ولعين=شطرٍ كتبته قبل بعدك وإنهدامات الصروح بعدك عن عيوني عطش يبًس شفاه الياسمين=بدايته قتل الفرح ونهايته قتل الطموح لا صارت الدنيا سجن من يفهم دموع السجين=مادام حوله جمر شوق ودلًة أحزانه تفوح من أول التوديع لين آخر دموع العاشقين=ومن ذهول الصمت لين القلب بإحساسه يبوح قلب الفراق القاسي اللي لا يحنً ولا يلين=نبضه شهب حزن وتعاسه في سما صدري تلوح من وين بلقى الضحك وآجيب ابتساماتي منين=لا صار حلمي كفكفة دمعٍ على خدي سفوح إن كان لي خاطر ولي باقي غلا لا ترحلين=لا تتركيني بعثرة قلب وجسد من غير روح |
صح لسانك أخي الهجير قصيده رائعه نتمنى لك المزيد من الأبداع بانتظار جديدك المميز تقبل مروري وسلامي ولك مني خالص الود آمير الكونــ |
ابداع من منهل الابداع وصح لسانك ملايين ياالهجير يا استاذ الحرف والمعنى
|
اقتباس:
أمير الكون ودي قبل ردي |
الله عليك يا امير الشعر صح لسانك وبدنك الين يلين الصفا القاسي
|
اقتباس:
ابو طلال حياك الله وتراك أول من سمعها حتى قبل ما تكتمل ولي ولقصايدي الشرف |
اقتباس:
أبو أحمد تسلم يا أمير الأخلاق مرورك يسعدني ويشرفني |
كلمة إعجاب قليله في حق تلكـ الحروف التي تشكلت كلماتاً وانسابت بيتً بعد بيتْ شوق يبعثر قريحة شاعر,شوق يدمي قلمه ,كلمات عذبه وشوق جبار واحساس دافئ نلمسه في حروفكـ مبدعنا الراقي لاجف الله لكـ حبر لروحكـ وفيضها العذب إكليلاً من الزهورووورد. |
اقتباس:
روعة الصمت روعة الحضووور روعة الكلمات كل الشكر لكل هذا البهاء |
دره من الدرر رائعه من احد روائعك التي عودتنا عليها صح لسانك ملايين ودمت مبدع |
اقتباس:
ملك الليل مرورك تشريف لي وللقصيده لا عدمت هذا التواجد |
انرت المنتدى بتواجدك صح لساانك ملالاين لاهنت
بجد ابعدت وامتعت قصيده اكثر من رائعه بروعة تواجدك العذب يعطيك الف عاااااافيه ودام بوحك المميز لك مني خالص الشكر والتقديرر .. دمت مبدع ../ |
اقتباس:
همسة شوووق الحمد لله على السلامه والروعه والعذوبه في تواجدك وحضورك |
صح لسانك عزيزي الهجير
ابداع وروعه كلمات تأسر العقول وتصل القلوب لاهنت |
صح لسانك
ابدعت في طرحك تحياتي |
اقتباس:
سمار الابداع والروعه في تواجدك بين جنبات متصفحي المتواضع لا شنت يالذيب |
| الساعة الآن 01:22 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع